پرەزيدەنت ب ۇ ۇ دەلەگاتسياسىن قابىلدادى

None
Фото: t.me/aqorda_resmi
استانا. قازاقپارات - مەملەكەت باسشىسى قاسىم- جومارت توقايەۆ ب ۇ ۇ دەلەگاتسياسىمەن – ب ۇ ۇ باس حاتشىسىنىڭ ورىنباسارى – ب ۇ ۇ ازيا جانە تىنىق مۇحيتى ءۇشىن ەكونوميكالىق جانە الەۋمەتتىك كوميسسياسىنىڭ اتقارۋشى حاتشىسى ارميدا اليسدجابانمەن، باس حاتشىنىڭ ساياسي ماسەلەلەر جونىندەگى كومەكشىسى ميروسلاۆ ەنچيمەن جانە ب ۇ ۇ باس حاتشىسىنىڭ كومەكشىسى – ب ۇ ۇ دامۋ باعدارلاماسى اكىمشىسىنىڭ كومەكشىسى يۆانا جيۆكوۆيچپەن كەزدەسۋ وتكىزدى، دەپ حابارلايدى قازاقپارات.

كەزدەسۋگە قاتىسۋشىلار قازاقستان مەن ب ۇ ۇ ينستيتۋتتارى اراسىنداعى كوپجاقتى ىنتىماقتاستىقتى دامىتۋ پەرسپەكتيۆالارىن تالقىلادى، سونداي- اق حالىقارالىق جانە وڭىرلىك كۇن تارتىبىندەگى وزەكتى ماسەلەلەر جونىندە پىكىر الماستى.

پرەزيدەنت استانا حالىقارالىق فورۋمىنا بەلسەندى قاتىسقانى ءۇشىن ديپلوماتتارعا ريزاشىلىعىن ءبىلدىرىپ، ولاردىڭ ب ۇ ۇ اياسىنداعى ۇسىنىستارى فورۋم جۇمىسىنىڭ مازمۇنىن بايىتۋعا ۇلەس قوسقانىن ايتتى.

مەملەكەت باسشىسى ب ۇ ۇ- نىڭ بەيبىتشىلىكتى نىعايتۋ، قاۋىپسىزدىك پەن جاھاندىق دامۋدى قامتاماسىز ەتۋ ىسىندەگى ايرىقشا رولىنە نازار اۋداردى. قاسىم- جومارت توقايەۆ ب ۇ ۇ قاۋىپسىزدىك كەڭەسىن جان- جاقتى رەفورما جۇرگىزۋ قاجەتتىگىنە جانە وسى ورگاننىڭ وكىلدىگىن كەڭەيتۋدىڭ ماڭىزدىلىعىنا توقتالدى.

پرەزيدەنت وسى امبەباپ ۇيىمنىڭ ءرولىن نىعايتۋ ماقساتىندا قازاقستان بۇۇ- مەن كۇش بىرىكتىرۋگە نيەتتى ەكەنىن راستادى.

قازاقستاندا ب ۇ ۇ- نىڭ 20-دان استام بولىمشەسى تابىستى جۇمىس ىستەپ جاتىر. وسى رەتتە الماتى قالاسىندا ورتالىق ازيا مەن اۋعانستان ءۇشىن ورنىقتى دامۋ ماقساتتارى جونىندەگى وڭىرلىك ورتالىق قۇرۋ ماڭىزدى ەكەنى اتاپ ءوتىلدى. بۇل ورتالىقتىڭ قىزمەتى 2030 -جىلعا دەيىنگى كۇن ءتارتىبىن ىلگەرىلەتۋ ءۇشىن كەشەندى شارالار قابىلداۋ ارقىلى ب ۇ ۇ اگەنتتىكتەرىنىڭ وڭىردەگى ەلدەر ۇكىمەتتەرىمەن اراداعى ۇيلەسىمدىلىكتى نىعايتۋعا باعىتتالادى.

ءوز كەزەگىندە جوعارى لاۋازىمدى ديپلوماتتار استانا حالىقارالىق فورۋمى تۋرالى وزدەرىنىڭ اسەرىن ورتاعا سالىپ، قازىرگى زاماننىڭ وزەكتى سىن- قاتەرلەرىن شەشۋ تاسىلدەرىن ازىرلەۋدە وسى الاڭ ستراتەگيالىق تۇرعىدا ماڭىزدى ەكەنىن اتاپ ءوتتى.

سونداي- اق كەزدەسۋدە كولىك- لوگيستيكا الەۋەتى مەن سيفرلاندىرۋ پروتسەسى تۇرعىسىنان ورتالىق ازيانىڭ ستراتەگيالىق رولىنە نازار اۋدارىلدى.

كەزدەسۋ سوڭىندا مەملەكەت باسشىسى ب ۇ ۇ باس حاتشىسى انتونيۋ گۋتەرريشكە جۇرەكجاردى سالەمىن جولدادى.

سوڭعى جاڭالىقتار