12:03, 09 - ماۋسىم 2023 | GMT +6
استانالىق پوليتسيانىڭ روتا كومانديرى سوتقا پارا بەرمەك بولعان
استانا. قازاقپارات - استانا قالاسى بويىنشا سىبايلاس جەمقورلىققا قارسى قىزمەت استانا قالاسى پوليتسيا دەپارتامەنتىنىڭ جول- پاترۋلدىك قىزمەتى روتاسىنىڭ كومانديرىنە قاتىستى سوتقا دەيىنگى تەرگەۋ جۇرگىزۋدە، دەپ حابارلايدى قازاقپارات.
انتيكوردىڭ جازۋىنا قاراعاندا، روتا كومانديرى ازاماتتىق ءىس بويىنشا وڭ شەشىم قابىلداعانى ءۇشىن پروكۋراتۋرا جانىنداعى ماتەريالدىق- تەحنيكالىق قامتاماسىز ەتۋ باسقارماسىنىڭ بۇرىنعى قىزمەتكەرى «ج» ارقىلى سوت جۇيەسىنىڭ قىزمەتكەرلەرىنە ءىرى مولشەردە پارا بەرمەك بولدى دەپ كۇدىككە ىلىنگەن.
«ج» پروكۋراتۋرادا اكىمشىلىك لاۋازىمدى اتقارا وتىرىپ، جەدەل قىزمەتكەر بولماعان. قىلمىس جاساۋ كەزىندە جۇمىسسىز بولعان.
«8- ماۋسىمدا تەرگەۋ سوتىنىڭ سانكسياسىمەن اتالعان ادامدار قاماۋعا الىندى.
سوتقا دەيىنگى تەرگەپ- تەكسەرۋ جالعاسۋدا.
ق ر ق پ ك 201-بابىنا سايكەس تەرگەۋ مۇددەسى ءۇشىن وزگە اقپارات جاريا ەتۋگە جاتپايدى»، - دەپ جازدى ۆەدومستۆودان.