پرەمەر- مينيستر وزەن مۇنايگازداعى ەڭبەك داۋلارىن تەكسەرۋدىڭ ارالىق قورىتىندىسىن ءمالىم ەتتى

استانا. قازاقپارات - پرەمەر- مينيستر ءاليحان سمايىلوۆ ءماجىلىس دەپۋتاتتارىنىڭ ماڭعىستاۋ وبلىسىنداعى ەڭبەك داۋلارىن ۇكىمەت دەڭگەيىندە شەشۋ تۋرالى ساۋالىنا بەرگەن جاۋابىندا «وزەنمۇنايگازداعى» تەكسەرۋدىڭ ارالىق قورىتىندىسىن ءمالىم ەتتى، دەپ حابارلايدى قازاقپارات ءتىلشىسى.

«بۇگىنگى تاڭدا ەڭبەك ۇجىمدارىنداعى جاعداي تۇراقتى، كومپانيالار شتاتتىق رەجيمدە جۇمىس ىستەپ جاتىر. تەندەرلىك راسىمدەردى وتكىزۋدىڭ اشىقتىعى، سىبايلاس جەمقورلىق تاۋەكەلدەرىنىڭ بولۋى، مۇناي سەرۆيستىك كومپانيالاردىڭ قىزمەتىن تەكسەرۋ، ەڭبەك زاڭناماسىن ساقتاۋ، جۇمىسقا ورنالاستىرۋ ماسەلەلەرىن قامتيتىن تالداۋ جۇرگىزۋ ماقساتىمەن قۇرامىنا ەڭبەك جانە حالىقتى الەۋمەتتىك قورعاۋ، توتەنشە جاعدايلار، دەنساۋلىق ساقتاۋ، ەكولوگيا جانە تابيعي رەسۋرستار مينيسترلىكتەرىنىڭ، «قازمۇنايگاز» ۇ ك ا ق وكىلدەرى كىرەتىن جۇمىس توبى قۇرىلدى»، - دەلىنگەن جاۋاپتا.

جاۋاپتا بەرىلگەن انىقتاما دەرەگى بويىنشا جۇمىس توبىنىڭ قۇرامىنا كىرگەندەردىڭ جالپى سانى 120 ادام بولعان.

«تەكسەرۋ بارىسىندا ق م گ كومپانيالار توبىنىڭ مۇناي سەرۆيستىك كاسىپورىندارى جانە «وزەنمۇنايگاز» ا ق- مەن (بۇدان ءارى – ءو م گ) شارتتىق قاتىناستارى بار وزگە مەردىگەر ۇيىمدار قامتىلدى. جۇمىس توبى مۇناي سەرۆيسى كاسىپورىندارىنىڭ ەڭبەك ۇجىمدارىمەن كەزدەسۋلەر ۇيىمداستىردى، جۇمىسكەرلەردىڭ ۇسىنىستارى تىركەلدى، ەڭبەك جاعدايلارى، سەحتاردىڭ، جابدىقتار مەن تەحنيكانىڭ جاي- كۇيى جانە ت. ب. زەرتتەلدى. بۇگىنگى تاڭدا كەزدەسۋلەردىڭ ناتيجەلەرى بويىنشا 2995 جولدانىم تالداندى»، - دەپ جازادى ۇكىمەت باسشىسى.

اتالعان جولدانىمداردى مىنانداي 9 ساناتقا ءبولىپتى: ءوندىرىس؛ ساتىپ الۋ/جابدىقتاۋ؛ HR ادامي رەسۋرستار؛ ەڭبەكتى قورعاۋ؛ قورشاعان ورتانى قورعاۋ؛ قارجىلىق، الەۋمەتتىك ماسەلەلەر، (IR) مەردىگەر ۇيىمدارمەن ءوزارا ءىس- قيمىل جانە باسقالار.

«سونىمەن قاتار باس پروكۋراتۋرا 23- ساۋىردە «سامۇرىق - قازىنا» ۇ ءا ق» ا ق ق م گ- نىڭ جانە ولاردىڭ ەنشىلەس كاسىپورىندارىنىڭ تاۋارلارىن، جۇمىستارى مەن كورسەتىلەتىن قىزمەتتەرىن ساتىپ الۋدى كەشەندى تالداۋ بويىنشا ارنايى توپ قۇردى.

بۇگىنگى تاڭدا باس پروكۋراتۋرا مەن جۇمىس توبى اتالعان ءىس- شارالار بويىنشا جۇمىستاردى جالعاستىرۋدا. بۇدان باسقا، الەۋمەتتىك- ەكونوميكالىق پروبلەمالاردى شەشۋ، ەڭبەك جانجالدارىن شەشۋ جانە ولارعا جول بەرمەۋ تەتىكتەرى بويىنشا تالداۋ جۇرگىزۋ جانە ۇسىنىستار ازىرلەۋ، ەلدىڭ بارلىق وڭىرلەرىندە ساپالى جانە اتاۋلى ءتۇسىندىرۋ- پروفيلاكتيكالىق جۇمىستى قامتاماسىز ەتۋ ماقساتىندا پرەمەر- ءمينيستردىڭ وكىمىمەن ارنايى جۇمىس توبى بەكىتىلدى. ارنايى جۇمىس توبىنىڭ قۇرامىنا دەپۋتاتتار، ۋاكىلەتتى ورتالىق مەملەكەتتىك جانە جەرگىلىكتى اتقارۋشى ورگانداردىڭ، قوردىڭ، ق م گ مەن كاسىپوداقتار قاۋىمداستىعىنىڭ وكىلدەرى كىردى»، - دەپ جازىلعان جاۋاپتا.

اۆتور:

ەسىمجان ناقتىباي