حۋاۋەي كومپانياسىنىڭ وكىلى ورتالىق ازيا نارىعىنا ارنالعان بۇلتتى جۇيەنىڭ قۇندىلىعى تۋرالى ايتتى
كەزدەسۋ بارىسىندا جاڭادان شىققان يننوۆاتسيالىق ونىمدەر، ونىڭ ىشىندە جاڭا شەشىمدەر مەن Huawei Cloud بۇلتتى قىزمەتتەرى تانىستىرىلدى.
Huawei Cloud پلاتفورماسى ينتەرنەت- كومپانيالار مەن ۇيىمداردى سيفرلاندىرۋدا ماڭىزدى ءرول اتقارادى. مەكەمەلەر Huawei Cloud-پەن كۇش بىرىكتىرىپ، سيفرلىق تەحنولوگيانى ەنگىزۋدى جەدەلدەتىپ جانە جەڭىلدەتىپ جاتىر. Huawei Cloud-تىڭ تاياۋ شىعىس پەن ورتالىق ازيا ايماعىنداعى كونسالتينگ جانە شەشىم قابىلداۋ بويىنشا ۆيتسە- پرەزيدەنتى روي لۋو «قازاقپارات» تىلشىسىنە كومپانيا تاياۋ شىعىس پەن ورتا ازيا ەلدەرىنىڭ نارىعىنا قانداي ەرەكشە ۇلەس قوسا الاتىنى، «ءبارىن قىزمەت رەتىندە پايدالانۋ» كونسەپتسياسى تۋرالى، بۇلتتى پلاتفورمالار مەن Huawei- ءدىڭ كومپانيالارعا عانا ەمەس، ءوڭىر ۇكىمەتىنە دە ۇسىناتىن شەشىمدەرى تۋرالى اڭگىمەلەپ بەردى.
Huawei وكىلى روي لۋو قىتاي مەن ورتا ازيا ەلدەرى ءتۇرلى سالادا تىعىز سەرىكتەستىك ورناتقانىن جانە ول ءارى قاراي دامي بەرەتىنىن مالىمدەدى. ونىڭ سوزىنشە، بۇگىنگى كۇنى Huawei الدىڭعى قاتارلى اقپاراتتىق- كوممۋنيكاتسيالىق تەحنولوگيالارعا يە جانە وسى سالادا ونىڭ مۇمكىندىگى مول.
تاياۋ شىعىس پەن ورتالىق ازيا نارىعىنا ارنالعان Huawei بۇلتتى سەرۆيسىنىڭ قۇندىلىعى
روي لۋونىڭ ايتۋىنشا، تاياۋ شىعىس پەن ورتا ازيا ەلدەرى شاپشاڭ دامىپ جاتىر.
«Huawei قۇندىلىعى مەن كومپانيانىڭ بۇل نارىقتارعا نە ەنگىزە الاتىنىن ءبىزدىڭ بۇلتتى تەحنولوگيالار مەن تەلەكوممۋنيكاتسيالىق تەحنولوگيالار سالاسىنداعى تاجىريبەمىز انىقتايدى. بۇلتتى تەحنولوگيالار مەن جاساندى ينتەللەكت سالاسىندا ءبىزدىڭ 10 جىلدان استام تاجىريبەمىز بار. بۇل ەكى تەحنولوگيا كومپانيالارىمىزعا وزگەرۋگە، نارىق جاعدايىندا قورشاعان ورتانىڭ وزگەرىستەرىنە بەيىمدەلۋگە جانە كاسىبىڭدى ءتيىمدى ءارى تابىستى ەتۋگە كومەكتەسەدى.
ءسىزدىڭ دامۋ دەڭگەيىڭىزگە قاراماستان، بۇل تەحنولوگيانىڭ سىزگە كوپ كومەگى تيەدى. سەبەبى ەگەر ءسىز تابىستى كومپانيا بولساڭىز، كىرىسىڭىز ودان دا ارتا تۇسەدى. بۇل ءسىزدىڭ اۋقىمدى ەكەنىڭىزدى ءبىلدىرىپ تۇر، ال بيزنەسىڭىز ءىرى بولسا، اۋقىمىن بىرتىندەپ كەڭەيتۋ وڭاي ەمەس. ول، اسىرەسە، بيزنەسىڭىزدىڭ تيىمدىلىگىن ارتتىرۋعا دا قاتىستى. سول سەبەپتى ءبىزدىڭ تەحنولوگيامىز دامىعان كومپانيالاردىڭ تۇبەگەيلى وزگەرۋىنە، تيىمدىلىگىن ارتتىرۋىنا كومەكتەسەدى»، - دەپ اتاپ ءوتتى روي لۋو.
سونداي- اق سپيكەر Huawei ورتالىق ازيا كومپانيالارىنا تەزىرەك ءوسىپ، نارىقتا ۇلكەن ۇلەسكە يە بولۋ، كوبىرەك كليەنت تارتىپ، تابىستى ارتتىرۋ مۇمكىندىگىن ۇسىناتىنىن ايتتى. ونىڭ سوزىنشە، كومپانيانىڭ تسيفرلىق تەحنولوگيالارى مەملەكەتتىك سەكتوردىڭ دا وزگەرۋىنە ىقپال ەتەدى.
«ۇكىمەتكە دە جاڭا زامان تالاپتارىنا ساي بولىپ، ازاماتتاردىڭ ءومىرىن قاۋىپسىز ەتۋ ءۇشىن دامۋ، جاڭا سيفرلىق قىزمەتتەردى، ەلەكتروندى ۇكىمەت تەحنولوگيالارىن ەنگىزۋ ماڭىزدى. ادامدار قولايلى ءارى ساپالى قىزمەتتى كۇتەدى. وسى ءۇردىستى ەسكەرە وتىرىپ، ءبىزدىڭ كومپانيا سەرىكتەستەرمەن بىرلەسىپ، مەملەكەتتىك سەكتورعا قاتىستى شەشىم تاپتى. ۇكىمەتتىك ۇيىمدار جۇمىسىنىڭ تيىمدىلىگىن جانە تۇرعىندارعا قىزمەت كورسەتۋ ساپاسىن ارتتىرۋ ءۇشىن بۇلتتى ەسەپتەۋ تەحنولوگياسى، ۇلكەن دەرەكتەر، جاساندى ينتەللەكت نەگىزىندەگى قىزمەتتەردى ۇسىنادى»، - دەدى ول.
Huawei Cloud: ءبارى قىزمەت سەكىلدى
«ءبىلىم سالاسىن دامىتۋعا قانداي ۇلەس قوساتىنىمىزعا قاتىستى ايتا كەتسەك، Huawei «ءبارىن قىزمەت رەتىندە پايدالانۋ» كونسەپتسياسىن العا تارتادى. ول نەگىزىنەن ءۇش بولىكتەن تۇرادى: «ينفراقۇرىلىمدى قىزمەت رەتىندە پايدالانۋ»، «تەحنولوگيانى قىزمەت رەتىندە پايدالانۋ» جانە «ساراپتامانى قىزمەت رەتىندە پايدالانۋ». ءبىلىم بەرۋ «ساراپتامانى قىزمەت رەتىندە پايدالانۋ» بولىمىنە ەنەدى. ماسەلەن، سىزگە قانداي دا ءبىر جۇيەنى جەدەل دامىتۋ قاجەت. سىزدە ەكى نۇسقا بار: بىرىنشىدەن، تاجىريبەلى ادام تاۋىپ ىستەتۋىڭىزگە بولادى. ەكىنشىدەن، ءسىز الدىڭعى قاتارلى بۇلتتى پلاتفورمانى قوسا الاسىز. ول جەردە بۇل قىزمەتتەردى ەكى رەت شەرتىپ الا الاسىز. قولدانبالاردى كۇردەلى كوشىرۋ، سيفرلىق ترانسفورماتسيا جانە سول سياقتى كۇردەلى امالدارعا ءبىز «تەحنولوگيانى قىزمەت رەتىندە پايدالانۋ» جانە «تاجىريبەنى قىزمەت رەتىندە پايدالانۋ» - دى ۇسىنامىز. وندا ءبىز پايدالانۋعا بولاتىن دايىن تەحنولوگيالارمەن بولىسەمىز. سىزگە ول تەحنولوگيانى تەرەڭ زەرتتەۋدىڭ قاجەتى بولمايدى، الىپ، پايدالانا بەرەسىز، ءبىز سىزگە قالاي پايدالانۋ كەرەگىن ۇيرەتەمىز. «ساراپتامانى قىزمەت رەتىندە پايدالانۋ» وتپەلى كونسالتينگكە ۇقسايدى. وعان ءبىزدىڭ سيفرلىق ترانسفورماتسيامىزدىڭ بارلىق كەزەڭى - يدەيادان باستاپ سوڭىنا دەيىن، جۇيە قۇرىلعاننان باستاپ پايدالانۋعا بەرىلگەنگە دەيىن، جۇيەنى قولداۋعا دەيىنگى كەزەڭ كىرەدى»، - دەپ اتاپ ءوتتى روي لۋو.
اۆتور:
ايجان سەرىكجان قىزى