اباي وبلىسىنداعى ءورتتى سوندىرۋگە ەلدىڭ ءۇش وڭىرىنەن قوسىمشا كۇشتەر جىبەرىلدى

استانا. قازاقپارات - توتەنشە جاعدايلار ءمينيسترى ءمينيسترى اباي وبلىسى بابايەۆ ورمانشىلىعىنىڭ اۋماعىنداعى ءورتتى سوندىرۋگە جۇمىلدىرىلعان كۇشتەر مەن قۇرالداردىڭ توبىن كۇشەيتۋدى تاپسىردى، دەپ حابارلايدى قازاقپارات.

مينيسترلىكتىڭ باسپا ءسوز قىزمەتى تاراتقان حابارلاما بويىنشا، قازىرگى ۋاقىتتا ءورتتى ءسوندىرۋ جۇمىستارى جالعاسۋدا. ءورتتى جويۋعا توتەنشە جاعدايلار مينيسترلىگىنىڭ بولىمشەلەرىنەن، ورمان شارۋاشىلىعى كوميتەتىنەن، جەرگىلىكتى اتقارۋشى ورگانداردان جانە قورعانىس مينيسترلىگىنەن 167 ادام، 47 تەحنيكا، 3 تىكۇشاق جۇمىلدىرىلدى.

ەلدى مەكەندەرگە قاۋىپ جوق. توتەنشە جاعدايلار مينيسترلىگى مەن اباي وبلىسى توتەنشە جاعدايلار دەپارتامەنتىنىڭ بازاسىندا جەدەل شتابتار قۇرىلدى.

توتەنشە جاعدايلار ءمينيسترى يۋري يليننىڭ وكىمىنە سايكەس ءورت ورنىنا شىعىس قازاقستان، قاراعاندى وبلىستارىنىڭ، استانا قالاسىنىڭ توتەنشە جاعدايلار دەپارتامەنتتەرىنەن قوسىمشا كۇشتەر مەن قۇرالدار جىبەرىلدى.

قازىرگى ۋاقىتتا اۋماعى شامامەن 2000 گ ا قۇرايتىن 8 كۆارتال ورتەنىپ جاتىر.

«ءورت ورنىنا ت ج م ورتكە قارسى قىزمەت كوميتەتىنىڭ ءتوراعاسى نۇربولات دەربىسوۆ جىبەرىلدى»، - دەلىنگەن حابارلامادا.