جيگۋلي دايرابايەۆ تۇرعىن ۇيگە يەلىك ەتۋگە قاتىستى سوت پروتسەسىندە جەڭىلدى
تۇرار رىسقۇلوۆ اۋداندىق سوتىنىڭ باسپا ءسوز قىزمەتى بەرگەن مالىمەتكە سۇيەنسەك، سايد رۋزيەۆ سوتقا ارىزبەن جۇگىنىپ، 2021-جىلدىڭ 5- قاراشاسىندا جاسالعان تۇرعىن ءۇيدى ساتۋ-ساتىپ الۋ تۋرالى مامىلەنى جارامسىز دەپ تانۋ، جۇبايى - ر. ف. اراسىنداعى جىلجىمايتىن مۇلىكتى بىرلەسكەن ورتاق مۇلىك دەپ تانۋ، مەركى اۋدانى سارىمولدايەۆ اۋىلىندا ورنالاسقان جىلجىمايتىن مۇلىكتە ءوز ۇلەسىن ½ بولىگى مولشەرىندە انىقتاۋ تۋرالى سۇراعان.
ءىس ماتەريالدارىمەن انىقتالعانداي، سايد رۋزايەۆ جۇبايىمەن 2002-جىلى وتاۋ قۇرىپ، 2017-جىلى نەكەنى بۇزۋ تۋرالى سوت شەشىمى شىققان.
2021-جىلى س. رۋزايەۆتىڭ كەلىسىمىنسىز جۇبايى ر. ف. ورتاق مۇلىك - تۇرعىن ءۇيدى جاۋاپكەر جيگۋلي دايرابايەۆقا ساتۋ تۋرالى مامىلە راسىمدەگەن.
2022-جىلى جامبىل وبلىستىق سوتى 2017-جىلى شىققان نەكەنى بۇزۋ تۋرالى شەشىمنىڭ كۇشىن جويدى. سەبەبى سايد رۋزايەۆ سول كەزدە سوت پروتسەسىنە قاتىسپاعان. سولايشا، ەرلى-زايىپتى اراسىنداعى نەكە رەسمي تۇردە 2022-جىلى عانا بۇزىلعان.
س. رۋزايەۆ تالاپ ەتىپ وتىرعان داۋلى باسپانا ورتاق مۇلىك بولىپ تابىلادى. ول ءىس ماتەريالدارىمەن راستالعان.
«سوت وتىرىسىندا انىقتالعانداي، 2007-جىلى اتالعان تۇرعىن ءۇي جىلجىمايتىن مۇلىكتى جاريا ەتۋ جونىندەگى كوميسسيانىڭ شەشىمى نەگىزىندە جاۋاپكەر - جيگۋلي دايرابايەۆقا تىركەلگەن.
«نەكە (ەرلى-زايىپتىلىق) جانە وتباسى تۋرالى» تۋرالى كودەكستىڭ تالاپتارىنا سايكەس، ەرلى-زايىپتى نەكەدە تۇرعان كەزەڭىندە العان مۇلكى ولاردىڭ بىرلەسكەن ورتاق مەنشىگى بولىپ تابىلادى. ەرلى- زايىپتىنىڭ ءبىرى جىلجىمايتىن مۇلىككە يەلىك ەتۋ بويىنشا مامىلە جاساۋ ءۇشىن، جۇبايىنىڭ نوتاريالدى كۋالاندىرىلعان كەلىسىمىن الۋى قاجەت.
سوت جاۋاپكەر داۋلى مۇلىكتى ساتقان كەزدە تالاپ قويۋشىنىڭ نوتاريالدى كۋالاندىرىلعان كەلىسىمىن الماعانىن انىقتادى. بۇل تالاپ قويۋدى قاناعاتتاندىرۋ تۋرالى شەشىم شىعارۋعا نەگىز بولدى.
سوت شەشىمى زاڭدى كۇشىنە ەنگەن جوق»، - دەلىنگەن سوت حابارلاماسىندا.
ەسكە سالايىق، بۇعان دەيىن تاراز قالاسىنىڭ 2№ سوتى الاياقتىق جاسادى جانە ءىرى مولشەردە اقشا جىمقىردى دەگەن ايىپپەن ەكى كۇدىكتىگە - ءماجىلىس دەپۋتاتى جيگۋلي دايرابايەۆتىڭ ۇلدارىنا قاتىسى ۇكىم شىعارعان بولاتىن.