توقايەۆ قارجى ينستيتۋتىنىڭ قازاقستانداعى قىزمەتىنىڭ پەرسپەكتيۆاسىن تالقىلادى

استانا. قازاقپارات – ق ر پرەزيدەنتى قاسىم-جومارت توقايەۆ Сitigroup كومپانياسىنىڭ ەۋروپا، تاياۋ شىعىس جانە افريكا بويىنشا باس اتقارۋشى ديرەكتورى دەۆيد ليۆينگستوندى قابىلدادى.

قازاقپارات بۇل تۋرالى اقورداعا سىلتەمە جاساپ حابارلايدى.

كەزدەسۋ بارىسىندا حالىقارالىق قارجى ينستيتۋتىنىڭ ەلىمىزدەگى قىزمەتىنىڭ پەرسپەكتيۆالارى تالقىلاندى.

پرەزيدەنت ەلىمىزدىڭ قارجى سەكتورىنداعى سيفرلىق ترانسفورماتسيانى دامىتۋ ىسىندەگى كومپانيا باسشىسىنىڭ كۇش-جىگەرىن جوعارى باعالادى.

دەۆيد ليۆينگستون مەملەكەت باسشىسىنا بىلتىرСitibank Kazakhstan استانا حالىقارالىق بيرجاسىنىڭ قۇندى قاعازدار ورتالىق دەپوزيتارييىنە (AIX CSD) مۇشە بولعانىن جەتكىزدى.

ونىڭ ايتۋىنشا، بۇل حالىقارالىق ينستيتۋتتىق ينۆەستورلارعا ءوز اكتيۆتەرىن AIX دەپوزيتاريىندە ساقتاۋعا مۇمكىندىك بەرەدى.