دۇنيەجۇزىلىك بيولوگيالىق قاۋىپسىزدىك ماسەلەلەرىن قارايتىن اگەنتتىك قاجەت - كۇنسۇلۋ زاكاريا

None
استانا. قازاقپارات - دۇنيەجۇزىلىك بيولوگيالىق قاۋىپسىزدىك ماسەلەلەرىن قارايتىن اگەنتتىك قاجەت.

بۇل تۋرالى استانا حالىقارالىق فورۋمىندا قازاقستان پرەزيدەنتى جانىنداعى عىلىم اكادەمياسىنىڭ باسشىسى كۇنسۇلۋ زاكاريا ايتتى، دەپ حابارلايدى قازاقپارات ءتىلشىسى.

«الەمدە دە، ءبىزدىڭ ەلىمىزدە دە انتيۆاكسەرلەر بولدى. ونى بارلىعىڭىز بىلەسىزدەر. بۇل ماسەلە قازاقستاننىڭ ىشىندە بولعانىمەن اسا ۇلكەن اۋقىمدا بولعان جوق. سەبەبى ساۋاتتى، ءبىلىمدى ازاماتتار ۆاكتسينانىڭ 200 جىلدان بەرى پايدالانىلىپ، قانشاما ادامنىڭ ءومىرىن ساقتاپ قالعانىن ايتىپ، حالىققا ءتۇسىندىرۋ جۇمىستارىن جۇرگىزدى، باق ارقىلى اقپارات بەردى»، - دەدى عا پرەزيدەنتى.

كۇنسۇلۋ زاكاريا COVID-19 سوڭعى ءبىر عاسىردىڭ ىشىندە ورىن العان ءىرى پاندەميا ەكەنىن، الەم حالقى وعان دايىن بولماعانىن باسا ايتتى.

«ەندى وسى پاندەميانىڭ سالدارىن ۇمىتىپ، اۋىرتپالىق ارتتا قالدى دەمەي، كەرىسىنشە، وتكەن ىندەتتەن ساباق الۋىمىز كەرەك»، - دەدى عالىم.

ول جاقىندا عانا QazBioPharm «پاندەميا ساباقتارى جانە قازاقستان تاجىريبەسى» تاقىرىبىندا فورۋم وتكىزگەنىن ەسكە الدى.

«ەندى بىزدە سول پاندەميانىڭ ساباقتارى، ەرەجەلەرى بار. ونى ساقتاپ قالۋىمىز كەرەك. پرەزيدەنت قاسىم-جومارت توقايەۆ اۋقىمدى فورۋمداردا دۇنيەجۇزىلىك بيولوگيالىق قاۋىپسىزدىك اگەنتتىگىن قۇرۋ جانە وسى ماسەلەنى جوعارى دەڭگەيگە شىعارۋ تۋرالى بىرنەشە رەت ايتتى. ءبىراق، وكىنىشكە قاراي، ۇلكەن جۇمىستاردىڭ قولعا الىنعانىن كورىپ تۇرعان جوقپىن. وسى سۇراقتى ۇمىتپاۋىمىز كەرەك. بىزگە دۇنيەجۇزىلىك بيولوگيالىق قاۋىپسىزدىك ماسەلەلەرىن قارايتىن اگەنتتىك قاجەت»، - دەدى كۇنسۇلۋ زاكاريا.

سوڭعى جاڭالىقتار