21:44, 08 - ماۋسىم 2023 | GMT +6
توقايەۆ ازيا دامۋ بانكىنىڭ ەلىمىزدەگى جوبالاردى قارجىلاندىرۋ ماسەلەسىن تالقىلادى
استانا. قازاقپارات - مەملەكەت باسشىسى قاسىم-جومارت توقايەۆ ازيا دامۋ بانكىنىڭ پرەزيدەنتى ماساتسۋگۋ اساكاۆامەن كەزدەستى.
قازاقپارات بۇل تۋرالى اقورداعا سىلتەمە جاساپ حابارلايدى.
كەزدەسۋ بارىسىندا ازيا دامۋ بانكىنىڭ قازاقستانداعى جوبالاردى قارجىلاندىرۋ ماسەلەلەرى تالقىلاندى. مەملەكەت باسشىسى كەلەسى جىلى قازاقستان مەن ازيا دامۋ بانكى اراسىنداعى ىنتىماقتاستىقتىڭ 30 جىلدىعى اتاپ وتىلەتىنىنە توقتالىپ، ەلىمىزدىڭ ەكونوميكالىق دامۋىنا ۇلەس قوسقانى ءۇشىن بانك باسشىلىعىنا العىس ايتتى.
ءوز كەزەگىندە ماساتسۋگۋ اساكاۆا پرەزيدەنتكە قارجى ينستيتۋتىنىڭ 2023-2027-جىلدارعا ارنالعان قازاقستانمەن سەرىكتەستىك ستراتەگياسى جونىندە مالىمەت بەردى.