قازاقستان سيفرلاندىرۋدا عاجايىپ پروگرەسكە جەتتى - ازيا دامۋ بانكىنىڭ پرەزيدەنتى

None
استانا. قازاقپارات - ازيا دامۋ بانكىنىڭ (ا د ب) پرەزيدەنتى ماساتسۋگۋ اساكاۆا قازاقستان ەكونوميكاسىنىڭ ينكليۋزيۆتى جانە تۇراقتى دامۋى ءۇشىن سيفرلىق ترانسفورماتسيانىڭ مۇمكىندىكتەرى تۋرالى پىكىر ءبىلدىردى، دەپ حابارلايدى قازاقپارات ءتىلشىسى.

سيفرلىق بايلانىس - زاماناۋي ەكونوميكانىڭ دامۋىنا ىقپال ەتەتىن ماڭىزدى فاكتورلاردىڭ ءبىرى بولىپ وتىر. بۇگىنگى تاڭدا سيفرلىق تەحنولوگيانىڭ ارقاسىندا ادامدار قاشىقتان جۇمىس ىستەي الادى، بالالار ۇيدەن وقي الادى، ۇيدەن شىقپاي- اق دارىگەردەن كەڭەس الۋعا بولادى. دەگەنمەن، قازىر تسيفرلىق تەحنولوگيالارعا قولجەتىمدىلىك ينتەرنەتى بارلار مەن جوقتار اراسىن الشاقتاتىپ، ءبولىپ جىبەردى، - دەدى ماساتسۋگۋ اساكاۆا استانا حالىقارالىق فورۋمىندا.

ا د ب پرەزيدەنتى قازاقستاننىڭ تسيفرلاندىرۋدا عاجايىپ پروگرەسكە جەتكەنىن، ايماقتا ينتەرنەتتىڭ ەنۋ كورسەتكىشتەرى ەڭ جوعارى ەكەنىن اتاپ ءوتتى. وعان ينتەرنەتكە قوسىلۋدىڭ سالىستىرمالى تۇردە تومەن قۇنى جانە تسيفرلىق ساۋاتتىلىقتىڭ جوعارىلاۋى نەگىزگى فاكتور بولعان.

ينتەرنەتتىڭ ەنۋىنىڭ جوعارى دەڭگەيى ۇكىمەتكە مەملەكەتتىك قىزمەتتەردىڭ كوپشىلىگىن سيفرلاندىرۋعا مۇمكىندىك بەردى جانە 2025 -جىلعا قاراي مەملەكەتتىك قىزمەتتەردىڭ 100 پايىزىن ە- ۇكىمەت موبيلدىك قوسىمشاسىمەن قامتۋ جوسپارلانعانىنا وتە قۋانىشتىمىز. قازاقستان وسى پروگرەسكە سۇيەنە وتىرىپ، ەكونوميكا سالاسىن سيفرلىق ترانسفورماتسيالاۋ ءۇشىن تەحنولوگيانى پايدالانۋدى كەڭەيتۋ، سيفرلىق ەكونوميكانى دامىتۋداعى سەرپىلىس جانە الداعى ءتورتىنشى ونەركاسىپتىك ريەۆوليۋتسياعا دايىندىق جۇمىستارىن جالعاستىرا الادى، - دەدى سپيكەر.

سونىمەن بىرگە م. اساكاۆا ونەركاسىپ سەكتورلارىنداعى سيفرلىق ترانسفورماتسيا جۇمىس ورىندارىن قۇرۋدى جانە ەڭبەك ونىمدىلىگىن ارتتىرۋدى قامتاماسىز ەتەتىنىن، ەلەكتروندىق كوممەرتسيا مەن ساۋدانىڭ ارتۋىن ىنتالاندىراتىنىن ايتتى.

دەگەنمەن، مۇندا مۇمكىندىكتەر دە، سىن- قاتەرلەر دە بار. 2021 -جىلى قازاقستانداعى يننوۆاتسيانىڭ جاي- كۇيىنە جۇرگىزگەن زەرتتەۋىمىز قىزىقتى ساتتەردى انىقتادى.

بىرىنشىدەن، تۇتاستاي العاندا كاسىپورىنداردى سيفرلاندىرۋ پروتسەسىنە باسشىلىقتى قامتاماسىز ەتۋدە ۇكىمەتكە شەشۋشى ءرول بەرىلەدى. مەنىڭ بىلۋىمشە، قازىر 4 مينيسترلىك ەلەكتر، سۋ جانە جىلىتۋ ءۇشىن اقىلدى ەسەپتەگىشتەردى ەنگىزۋدە. وسىنى ەسكەرە وتىرىپ، ۇلتتىق ستاندارتتار ازىرلەنىپ جاتقان كەزدە «اقىلدى» ەسەپتەگىشتەردى ستاندارتتاۋدى ۇيلەستىرۋ مۇمكىندىگى بار.

تاعى ءبىر مىندەت - ەنەرگەتيكالىق سەكتوردا سيفرلىق تەحنولوگيالاردى قولدانۋدى كەڭەيتۋگە جانە ۇكىمەتتىڭ ەلەكتر جەلىلەرىندەگى قۋات شىعىنىن ازايتۋعا كۇش سالۋىنا جانە 2060 -جىلعا دەيىنگى دەكاربونيزاتسيا ستراتەگياسىنىڭ ءورشىل ماقساتتارىنا جەتۋگە قاتىستى. ەگەر ينتەللەكتۋالدى جانە ەنەرگەتيكالىق جۇيەنى، بىلايشا ايتقاندا «اقىلدى» ەلەكتر جەلىلەرىن قۇرۋدا كوشباسشىلىق كورسەتىلمەسە جوعارىدا اتالعان ماقساتتارعا قاتەر ءتونۋى ىقتيمال، - دەدى ماساتسۋگۋ اساكاۆا.

سونىمەن بىرگە، سپيكەر قازاقستاننىڭ باسەكەگە قابىلەتتى، ءارتاراپتاندىرىلعان، عىلىممەن قامتىلعان ەكونوميكاعا كوشۋىن قولداۋ ءۇشىن عىلىمي زەرتتەۋلەر مەن ازىرلەمەلەرگە جاردەمدەسۋدە ۇكىمەتتىڭ شەشۋشى ءرول اتقاراتىنىن جەتكىزدى. بۇعان عىلىمي- زەرتتەۋ جانە تاجىريبەلىك- كونسترۋكتورلىق جۇمىستارعا بولىنەتىن بيۋدجەتتىڭ تۇراقتى ءوسۋى ىقپال ەتەدى.

ازيا دامۋ بانكى قازاقستاننىڭ دامۋ سالاسىنداعى سەنىمدى سەرىكتەسى رەتىندە يننوۆاتسيالاردى ەنگىزۋگە ىقپال ەتەتىن جاعدايدى ودان ءارى جاقسارتۋ بويىنشا جۇمىس ىستەۋگە دايىن. وسىلايشا ءبىز قازاقستانعا تسيفرلىق الشاقتىقتى قىسقارتۋعا، ەكونوميكالىق دامۋ جولىندا كەيبىر كەدەرگىلەردى بەلگىلەۋگە جانە ەشكىمنىڭ ارتتا قالماۋىن قامتاماسىز ەتۋگە كومەكتەسەمىز، - دەدى ول.

ايتا كەتەيىك، بۇگىن استانا حالىقارالىق فورۋمى جۇمىسىن باستادى. فورۋم كليماتتىڭ وزگەرۋىنە، ازىق- تۇلىك تاپشىلىعىنا جانە ەنەرگەتيكالىق قاۋىپسىزدىككە قاتىستى ماسەلەلەردى شەشۋ جولدارىن قاراستىرۋ ماقساتىندا شەتەل ۇكىمەتتەرىنىڭ، حالىقارالىق ۇيىمداردىڭ، بيزنەس پەن عىلىمي ورتانىڭ جوعارى لاۋازىمدى دەلەگاتتارىنىڭ ديالوگىنە ارنالعان الاڭ بولماق.

سوڭعى جاڭالىقتار