حالىقارالىق رەيتينگ اگەنتتىكتەرى دە قازاقستاننىڭ ينۆەستيتسيالىق الەۋەتىن راستادى

استانا. قازاقپارات - حالىقارالىق رەيتينگ اگەنتتىكتەرى دە قازاقستاننىڭ ينۆەستيتسيالىق الەۋەتىن راستادى.

بۇل تۋرالى شەتەلدىك ينۆەستورلار كەڭەسىندە مەملەكەت باسشىسى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.

«جەتكىزۋ تىزبەگىنىڭ بۇزىلۋى، ينفلياتسيانىڭ ءوسۋى جانە ساۋدا- ساتتىق شەكتەۋلەرى جاھاندىق ەكونوميكانىڭ دامۋىنا ايتارلىقتاي كەدەرگى كەلتىرىپ وتىر. وسىعان قاراماستان قازاقستان سىرتقى جاعدايلارعا ءساتتى بەيىمدەلىپ ۇلگەردى دەپ سەنىمدى تۇردە ايتا الامىز. ءتورت ايدا ەكونوميكانىڭ ناقتى ءوسىمى 5 پايىزدى قۇرادى. بۇل بۇعان دەيىن بولجانعان ورتاشا الەمدىك كورسەتكىشتەن ءۇش ەسە كوپ»، - دەدى مەملەكەت باسشىسى.

پرەزيدەنت ەكونوميكامىزدىڭ بارلىق نەگىزگى سەكتورىندا وڭ ديناميكا بايقالاتىندىعىن ايتتى.

«بىلتىر ءبىز شەتەلدەن 28 ميلليارد دوللار كولەمىندە ينۆەستيتسيا تارتتىق. بۇل - رەكوردتىق كورسەتكىش. ءبىر ايتا كەتەرلىك جايت، شەتەلدىك ينۆەستورلار شيكىزاتتىق ەمەس سەكتورعا ايرىقشا قىزىعۋشىلىق تانىتادى. حالىقارالىق رەيتينگ اگەنتتىكتەرى دە قازاقستاننىڭ ينۆەستيتسيالىق الەۋەتىن راستادى. بۇكىل الەمدە پروتەكتسيونيزمنىڭ بەلەڭ الۋىنا قاراماستان، اشىق نارىقتىق ەكونوميكاسى بار ەل رەتىندە ءوز پوزيتسيامىزدى نىعايتا تۇستىك. سىرتقى ساۋدا اينالىمى 32 پايىزعا ءوسىپ,134 ميلليارد دوللارعا جەتتى»، - دەدى قاسىم- جومارت توقايەۆ.