الماتىدا جازدىڭ سوڭىنا دەيىن بىرنەشە كوشە جابىلادى

None
Фото: Алматы әкімдігінің баспасөз қызметі
الماتى. قازاقپارات- الماتىدا جىلۋ جەلىلەرىن قالپىنا كەلتىرۋ جۇمىسى كەزىندە جازدىڭ سوڭىنا دەيىن بىرنەشە كوشە جابىلادى، دەپ حابارلايدى قازاقپارات ءتىلشىسى.

«الماتى جىلۋ جۇيەسى» كاسىپورنىنىڭ مالىمەتىنشە، جىلۋ جەلىلەرىن قايتا جاڭارتۋعا بايلانىستى 8-ماۋسىمنان 30-تامىزعا دەيىن قالانىڭ ءتورت اۋدانىنداعى بىرنەشە كوشەدە كولىك قوزعالىسى شەكتەلەدى.

مەدەۋ اۋدانىندا قاجىمۇقان كوشەسىمەن (گوسپيتالنايا كوشەسىنەن دوستىق داڭعىلىنا دەيىن) وتەتىن جول جابىلادى،

بوستاندىق اۋدانىندا قوزعالىس ءجۇرىسى گاگارين كوشەسىمەن (حودجانوۆ كوشەسىنەن ەسقارايەۆ كوشەسىنە دەيىن)، ەسقارايەۆ كوشەسىمەن (گاگارين كوشەسىنەن روزىباكيەۆ كوشەسىنە دەيىن) توقتاتىلادى.

جەتىسۋ اۋدانىندا رايىمبەك داڭعىلىنىڭ سولتۇستىك جاعىمەن (بايزاقوۆ كوشەسىنەن كازاكوۆ كوشەسىنە دەيىن)، ودان ءارى كازاكوۆ كوشەسىمەن (رايىمبەك داڭعىلىنان برودسكي كوشەسىنە دەيىن) جول جابىلادى.

اۋەزوۆ اۋدانىندا كىشى ساين كوشەسىنىڭ باتىس جاعىنا قاراي ( ۇلىقبەك پەن شالياپين كوشەلەرىنىڭ اراسى) جابىلادى.

ەنگىزىلگەن شەكتەۋلەر وسى كوشە ۋچاسكەلەرىنىڭ ءجۇرىس بولىگىمەن وتەتىن قۇبىرلاردى قايتا قۇرۋ جۇمىسىنىڭ قاۋىپسىزدىگىن قامتاماسىز ەتۋ ءۇشىن قاجەت.

«جەرگىلىكتى تۇرعىندارعا قولايلى جاعداي جاساۋ ءۇشىن ولاردىڭ ۇيلەرىنە ىستىق سۋ ۋاقىتشا سحەما بويىنشا جەتكىزىلەدى»، - دەپ حابارلادى «الماتى جىلۋ جەلىلەرى» ج ش س.

سوڭعى جاڭالىقتار