ءاربىر داعدارىستىڭ ىشىندە مۇمكىندىك دانەگى بولادى - توقايەۆ

None
استانا. قازاقپارات - پرەزيدەنت قاسىم- جومارت توقايەۆ استانا حالىقارالىق فورۋمىنىڭ اياسىندا ءوتىپ جاتقان شەتەلدىك ينۆەستورلار كەڭەسىنىڭ وتىرىسىندا تسيفرلاندىرۋدىڭ قازاقستان ەكونوميكاسىنداعى رولىنە توقتالدى، دەپ حابارلايدى قازاقپارات ءتىلشىسى.

«گەوساياسي شيرىعىس پەن ۇلعايىپ كەلە جاتقان پروتەكتسيونيزم سالدارىنان جاھاندىق ەكونوميكالىق ءوسىم مەن تۇراقتىلىق باياۋلاپ قانا قويماي، قىسىمعا ۇشىراۋى مۇمكىن. الايدا ۋاقىت كورسەتكەندەي، ءاربىر داعدارىستىڭ ىشىندە مۇمكىندىك دانەگى بولادى. ءبىز ول دانەكتى وراسان تەحنولوگيالىق ىلگەرىلەۋدەن كورىپ وتىرمىز. سيفررلاندىرۋ وسىنداي دانەك بولىپ تۇر. سيفرلاندىرۋ ەكونوميكالىق دامۋدى تۇبىرىمەن ترانسفورماتسيالاپ جاتىر. جاساندى زەيىن، بلوكچەين، ۇلكەن دەرەكتەر سياقتى تەحنولوگيالار ونەركاسىپتىڭ اۋىل شارۋاشىلىعىنان قارجىعا دەيىنگى بارلىق سالاسىندا ويىن ەرەجەسىن وزگەرتىپ جاتىر»، - دەدى مەملەكەت باسشىسى.

پرەزيدەنتتىڭ پايىمىنشا، تسيفرلاندىرۋ بۇكىل ەلدەر مەن ايماقتاردىڭ باسەكەگە قابىلەتىنىڭ باستى ولشەۋىشىنە اينالدى.

«2025 -جىلعا قاراي سيفرلىق تەحنولوگيالاردىڭ جاھاندىق نارىعى %50 ارتىپ، 6,8 تريلليون دوللارعا جەتەدى. الداعى 10 جىلدىڭ ىشىندە الەمدەگى كورسەتىلەتىن قىزمەتتەر مەن ونىمدەردىڭ 70 پايىزى سيفرلىق تەحنولوگيالاردىڭ كومەگىمەن وندىرىلەدى. قازاقستان بۇل تەندەنتسيانىڭ ماڭىزىن ءتۇسىنىپ وتىر. وسىلايشا سيفرلاندىرۋ ءبىز ءۇشىن ۇلتتىق باسىم باعىتقا اينالدى. ءبىز ەۋرازياداعى ەڭ ءىرى ءارى جەتەكشى تسيفرلىق حابقا اينالۋدى جوسپارلاپ وتىرمىز. جۋىقتا عانا 62 ەل ءبىراۋىزدان ب ۇ ۇ- نىڭ ورتالىق ازيا مەن قازاقستاندى دامىتۋعا ارنالعان تسيفرلىق شەشىمدەر ورتالىعىن قۇرۋ باستاماسىن قولدادى. ءبىز بۇعان سەنىم نىشانى دەپ قارايمىز جانە بۇل - قازاقستان ءۇشىن جاھاندىق ارەناداعى ماڭىزدى كەزەڭ»، - دەدى قاسىم- جومارت توقايەۆ.

سوڭعى جاڭالىقتار