پرەزيدەنت شەتەلدىك ينۆەستورلار كەڭەسىنىڭ جاڭا مۇشەلەرىن تانىستىردى

استانا. قازاقپارات - پرەزيدەنت قاسىم-جومارت توقايەۆ استانا حالىقارالىق فورۋمى اياسىندا ءوتىپ جاتقان شەتەلدىك ينۆەستورلار كەڭەسىنىڭ وتىرىسىندا ۇيىمنىڭ جاڭا مۇشەلەرىن تانىستىردى، دەپ حابارلايدى قازاقپارات ءتىلشىسى.

«بۇگىنگى شەتەلدىك ينۆەستورلار كەڭەسىنىڭ وتىرىسى دا ءوز نازارىن قازىرگى ينۆەستيتسيالىق كليماتقا، سونداي-اق وسى قاتەرلەردى ەڭسەرۋگە قاجەتتى مۇمكىندىكتەرگە شوعىرلاندىرادى دەپ ەسەپتەيمىز.

ەكىنشىدەن، شەتەلدىك ينۆەستورلار كەڭەسى وتىرىسىنىڭ 25 جىلدىعىن اتاپ ءوتىپ وتىرمىز. وسى جىلدار ىشىندە بۇل كەڭەس ءتىيمدى ديالوگ الاڭىنا اينالدى جانە ەلدىڭ ينۆەستيتسيالىق كليماتىن جاقسارتۋعا ەلەۋلى ۇلەس قوستى»، - دەدى مەملەكەت باسشىسى.

قاسىم-جومارت توقايەۆ كەڭەستىڭ جاڭا مۇشەلەرىن تانىستىردى.

«بارىنەن بۇرىن مەن سىزدەردى كەڭەستىڭ جاڭا مۇشەلەرىمەن تانىستىرعىم كەلەدى. بۇل دۇنيجەۇزىلىك بانكتىڭ ۆيتسە-پرەزيدەنتى ا. باسساني حانىم، KPMG International-دان ب. توماس مىرزا، INPEX North Caspian Sea, Ltd.- دەن يۋزو سەنگوكۋ مىرزا جانە Veon كومپانياسىنان ك. تەرزيوگلۋ مىرزا. سونىمەن بىرگە كەڭەستە باقىلاۋشى بولىپ وتىرعان سانتانو مىرزاعا حوش كەلدىڭىز دەيمىز»، - دەدى پرەزيدەنت.