مايك پەنس ا ق ش پرەزيدەنتتىگىنە ۇمىتكەر بولاتىنىن جاريالادى
رەسپۋبليكالىق پارتيانىڭ ساياساتكەرى پرەزيدەنتتىك سايلاۋ ناۋقانىنا قاتىسۋ تۋرالى مالىمدەمەنى ايوۆا شتاتىنداعى دە- موين قالاسىندا بولعان كەزدە جاسادى. ول ءوزىنىڭ سايلاۋالدى باعدارلاماسىن ۇسىنۋمەن قاتار، باسقا كانديداتتاردى، سونىڭ ىشىندە بۇرىنعى پرەزيدەنت د. ترامپتى سىنعا الدى.
م. پەنس ءوز سوزىندە امەريكا حالقىمەن بىرگە ۇلتتى جانە شەكارانى قورعايتىنىن، امەريكا ەكونوميكاسىن جانداندىرىپ، بيۋدجەتتى تەڭەستىرەتىنىن، تۇسىك جاساتۋعا شەكتەۋلەردى، ءدىني بوستاندىق پرينتسيپتەرىن جانە فەدەرالدى ۇكىمەتتىڭ قىسقارۋىن قولدايتىنىن اتاپ ءوتتى.
سونىمەن بىرگە، ساياساتكەر د. ترامپ «ەشقاشان» قايتا ا ق ش پرەزيدەنتى بولا المايدى دەپ بولجادى. اتاپ ايتقاندا، ول ەكس- پرەزيدەنت ەسىمىن ناقتى اتاماي، كونستيتۋتسيانى ەلەمەيتىن نەمەسە ءوزىن ودان جوعارى قوياتىن «كەز كەلگەن ادام» ەشقاشان پرەزيدەنت بولماۋى كەرەك دەدى.
ساراپشىلاردىڭ پىكىرىنشە، مايك پەنس - ناعىز كونسەرۆاتور جانە تاماشا مەملەكەتتىك قىزمەتكەر. ءبىراق د. ترامپپەن باسەكەگە ءتۇسىپ جاتقانى ءۇشىن ونى رەسپۋبليكاشىلار اراسىندا ەشكىم ايتارلىقتاي قولداۋ كورسەتىپ جاتقان جوق. جەكەلەگەن باعالاۋ بويىنشا، ونى رەسپۋبليكاشىلاردىڭ تەك %18 ى عانا قولدايدى.
قازىر م. پەنس پەن د. ترامپتىڭ رەسپۋبليكالىق پارتيادان نەگىزگى قارسىلاستارى: ا ق ش- تىڭ نيۋ- دجەرسي شتاتىنىڭ بۇرىنعى گۋبەرناتورى كريس كريستي، فلوريدا گۋبەرناتورى رون دەسانتيس، ا ق ش- تىڭ ب ۇ ۇ- داعى بۇرىنعى ەلشىسى نيككي حەيلي، اركانزاس شتاتىنىڭ بۇرىنعى گۋبەرناتورى اسا حاتچينسون، ءۇندىستاننان شىققان كاسىپكەر ۆيۆەك راماسۆامي جانە سەناتور تيم سكوتت.