وزبەكستاننىڭ پرەمەر- ءمينيسترى شەتەلدىك ينۆەستورلاردى ارال تەڭىزىنىڭ ماسەلەسىن شەشۋگە شاقىردى
«وسى الاڭدى پايدالانا وتىرىپ، حالىقارالىق سەرىكتەستەر مەن ينۆەستورلاردىڭ نازارىن ورتالىق ازياداعى ەكولوگيالىق ماسەلەلەرگە اۋدارعىم كەلەدى. بۇل ورايدا ارال اپاتىنىڭ سالدارىن ەسكەرۋ ماڭىزدى. سونىمەن قوسا، ورتالىق ازيا ەلدەرىنىڭ وزگە دە الەم مەملەكەتتەرىمەن اراداعى ساۋدا- ساتتىق كولەمىن كەڭەيتۋگە باعىتتالعان قولداۋ شارالارى دا كۇن تارتىبىندە. ودان بولەك، ينۆەستورلارمەن بىرلەسىپ اۋىل شارۋاشىلىعى جانە كولىك- لوگيستيكالىق سالالارىن دامىتۋعا مۇددەلىمىز»، - دەپ ءمالىم ەتتى ابدۋللا اريپوۆ.
پرەمەر- مينيستر ءوز سوزىندە 2030 -جىلعا دەيىن وزبەكستان جان باسىنا شاققاندا جالپى ىشكى ءونىم كولەمى ورتا دەڭگەيدەن جوعارى ەلدەر ساناتىنا ەنۋدى ماقسات ەتكەنىن ايتتى. ول ءۇشىن ورتالىق ازيا ەلدەرىمەن بىرلەسىپ تاۋار اينالىمىن ارتتىرۋ، ايماقتا بار پايدالى قازبا رەسۋرستارىنىڭ قورىن ءتيىمدى قولدانۋ تەتىكتەرىن پىسىقتاماق.