قاپشاعايدا كولىگىمەن قۇمعا باتىپ قالعان وتباسى مۇشەلەرى قۇتقارىلدى

قونايەۆ. قازاقپارات - الماتى وبلىسىنىڭ قۇتقارۋشىلارى قاپشاعاي سۋ قويماسىنىڭ جاعالاۋىندا قۇمعا كولىگىمەن باتىپ قالعان وتباسى مۇشەلەرىن قۇتقاردى، دەپ حابارلايدى قازاقپارات ءتىلشىسى.

الماتى وبلىسى توتەنشە جاعدايلار دەپارتامەنتىنىڭ مالىمەتىنشە، 7- ماۋسىم كۇنى تۇنگى ساعات 22:50 دە ت ج د- نىڭ كەزەكشى بولىمىنە قاپشاعاي سۋ قويماسىنىڭ سولتۇستىك جاعالاۋىندا، «التىن قۇم» دەمالىس بازاسىندا ىشىندە ادامدارى بار كولىكتىڭ قۇمعا باتىپ قالعانى تۋرالى حابارلاما تۇسەدى.

وقيعا ورنىنا جەتكەن قونايەۆ قالاسىنىڭ جەدەل- قۇتقارۋ جاساعىنىڭ قۇتقارۋشىلارى «Chevrolet Nexia» ماركالى اۆتوكولىكتىڭ قۇمعا باتىپ قالعانىن انىقتادى. ىشىندە جاعالاۋعا دەمالۋعا كەلگەن ەرلى- زايىپتى مەن ءبىر جاسار ءسابيى بولعان. ساعات 23:50 دە قۇتقارۋشىلاردىڭ كۇشىمەن اۆتوكولىك نەگىزگى جولعا شىعارىلدى. ادامدار مەديتسينالىق كومەككە مۇقتاج بولعان جوق، ۇيلەرىنە امان- ەسەن كايتتى»، - دەلىنگەن الماتى وبلىسى ت ج د حابارلاماسىندا.