نيۋ- يورك الەمدە اۋا ساپاسى ەڭ ناشار قالا اتاندى
كاناداداعى دالا ءورتىنىڭ ءتۇتىنى ا ق ش- تىڭ شىعىس بولىگىنىڭ كوپ بولىگىن جامىلىپ، اۋانىڭ وتكىر ءيىسى اسپاندى قىزعىلت سارى تۇسكە اينالدىرعان.
مۋنيتسيپالدى بيلىك 16 شتاتتاعى 128 ميلليونعا جۋىق ادامعا ورمان ءورتى سالدارىنان اۋا ساپاسىنىڭ ناشارلايتىنىن ەسكەرتىپ، ۇيدەن شىقپاۋعا كەڭەس بەردى.
سارسەنبىدە نيۋ- يورك شتاتىنىڭ گۋبەرناتورى كەتي حوچۋل شتاتتىڭ كوپ بولىگىنە اسەر ەتكەن دالا ءورتىنىڭ ءتۇتىنىن «دەنساۋلىق پەن قورشاعان ورتا داعدارىسى» دەپ اتادى.
ۇلتتىق مەتەورولوگيا قىزمەتىنىڭ مالىمەتىنشە، نيۋ- يورك شتاتىنىڭ نەگىزگى اۋداندارىندا اۋاداعى زياندى زاتتاردىڭ جوعارى كونتسەنتراتسياسى بەيسەنبىگە دەيىن ساقتالادى.
نيۋ- يورك بيلىگى قالادا ادەتتەگى اۋا ساپاسىنىڭ يندەكسى - شامامەن 50، ال سارسەنبىدە برۋكلين وكرۋگتەرىندە – 413، كۆينستە - 407 بولعانىن حابارلادى.
سونداي- اق، ۆاشينگتون (كولۋمبيا وكرۋگى)، بوستوندا (ماسساچۋسەتس) اۋا ساپاسى ناشارلاعان، ال فيلادەلفيا قالاسىندا (پەنسيلۆانيا) ءتىپتى قاۋىپتىڭ «قىزىل كودى» ەنگىزىلگەن.
رەسمي مالىمەتكە سايكەس، سارسەنبىدە بۇكىل ەل بويىنشا 414 ورمان ءورتى سالدارىنان ءبىرقاتار ەلدى مەكەندەردەن 20 مىڭنان استام ادام ەۆاكۋاتسيالانعان.
بيىل كانادا بويىنشا 2200 دەن استام ورمان ءورتى تۇتانىپ، شامامەن 3,8 ميلليون گ ا ورمان ورتەندى.