قاتار ينۆەستورلارى قازاقستاندا استىق وڭدەۋ زاۋىتىن سالۋعا نيەتتى
استانا حالىقارالىق فورۋمى اياسىندا ب ا ق وكىلدەرى اۋىل شارۋاشىلىعى مينيسترىنە قاتار ينۆەستورلارلارىنىڭ قازاقستاندا استىق وڭدەۋ زاۋىتىن سالۋ نيەتىنە قاتىستى سۇراق قويدى.
«ءيا، قازىر ءبىز كەلسسوز جۇرگىزىپ جاتىرمىز. بىزدە مۇنداي ينۆەستورلار كوپ»، - دەپ جاۋاپ بەردى ەربول قاراشوكەيەۆ.
سونىمەن قاتار، مينيستر وتكەن جىلى اۋىل شارۋاشىلىعى سالاسىندا 200 ميلليارد دوللاردان استام سوماعا باعالانعان 270 جوبا باستالعانىن ايتتى.
«بيىل 290 جوبا جوسپاردا بار. ولار شيكىزات ءوندىرۋ جانە ازىق- تۇلىك، اۋىل شارۋاشىلىعى ونىمدەرىن تەرەڭ وڭدەۋ باعىتىنداعى جوبالار. جۇمىس جالعاسۋدا»، - دەدى ەربول قاراشوكەيەۆ.
ەسكە سالا كەتەيىك، بۇگىن ەلوردادا استانا حالىقارالىق فورۋمى ءوتىپ جاتىر. وعان مەملەكەت باسشىسى قاسىم- جومارت توقايەۆ، قىرعىزستان پرەزيدەنتى سادىر جاپاروۆ، بوسنيا جانە گەرتسەگوۆينا پرەزيديۋمىنىڭ ءتوراعاسى جەلكا سۆيانوۆيچ، وزبەكستان پرەمەر- ءمينيسترى ابدۋللا اريپوۆ، يۋنەسكو باس ديرەكتورى ودرە ازۋلە، حالىقارالىق ۆاليۋتا قورىنىڭ باسقارۋشى ديرەكتورى كريستالينا گەورگيەۆا قاتىسۋدا.