ورتالىق ازيا ەلدەرى مۇزدىقتارىنىڭ كارتاسى قاشان جاسالادى
«سۋ رەسۋرستارى جانە ترانسشەكارالىق سۋ ماسەلەسىن شەشۋدە ىنتىماقتاستىق قاجەت. اتالعان پروبلەمانى وڭتايلى شەشۋدە UNESCO ورتالىق ازيا ەلدەرىمەن بىرلەسىپ نە ىستەپ جاتىر دەگەنگە كەلەيىك. 2021-جىلدان باستاپ ءبىز عىلىم ارقىلى تەرەڭىرەك ءتۇسىنۋدى قامتاماسىز ەتۋ جانە مۇزدىقتاردىڭ ەرۋىنە بايلانىستى تاۋ كولدەرىنىڭ تولىپ كەتۋىنە دايىندالۋ باعىتىندا جۇمىس ىستەپ جاتىرمىز»، - دەدى ودرە ازۋلە ەلوردادا ءوتىپ جاتقان استانا حالىقارالىق فورۋمىندا.
UNESCO باسشىسىنىڭ ايتۋىنشا، اتالعان بىرلەسكەن جۇمىس - سۋ رەسۋرستارى ماسەلەسىن وڭتايلاندىرۋ ماقساتىنداعى ماڭىزدى عىلىمي ىنتىماقتاستىق.
«ۇلى اقىن ابايدىڭ 38- قاراسوزىنەن ءۇزىندى كەلتىرگىم كەلەدى: «ناداندىق - ءبىلىم-عىلىمنىڭ جوقتىعى، دۇنيەدە ەشنارسەنى ولارسىز ءبىلىپ بولمايدى». ياعني، ءبىز ىنتىماقتاستى عىلىمنان باستاۋىمىز كەرەك. 2025-جىلعا قاراي ءبىز قىرعىزستان، تاجىكستان، وزبەكستان جانە قازاقستانداعى مۇزدىقتار مەن مۇزاستى كولدەرىنىڭ كارتاسىن جاساعىمىز كەلەدى»، - دەيدى فورۋمنىڭ قۇرمەتتى قوناعى.