الەمدە قاقتىعىستار مەن گەوساياسي شيەلەنىستەر ارتىپ بارادى – ب ۇ ۇ باس حاتشىسى

استانا. قازاقپارات - ءبىز قازىر قيىن ۋاقىتتا ءومىر ءسۇرىپ جاتىرمىز. بۇگىندە الەم ەلدەرىندە قاقتىعىستار مەن گەوساياسي شيەلەنىستەر ارتىپ بارادى.

استانا حالىقارالىق فورۋمىنىڭ قاتىسۋشىلارىنا بەينەۇندەۋ جولداعان بىرىككەن ۇلتتار ۇيىمىنىڭ باس حاتشىسى انتونيو گۋتتەرەش وسىلاي ءمالىم ەتتى، دەپ حابارلايدى قازاقپارات ءتىلشىسى.

«ءبىز قازىر قيىن ۋاقىتتا ءومىر ءسۇرىپ جاتىرمىز. بۇگىندە قاقتىعىستار مەن گەوساياسي شيەلەنىستەر ارتىپ بارادى. كليماتتىق داعدارىس پروتسەسى ۇدەي ءتۇستى. بۇل رەتتە تۇراقتى دامۋ ماقساتتارى جاھاندا بەيبىتشىلىك پەن ءال- اۋقاتتى ۇستاپ تۇرۋ جوسپارىنا اينالدى. ءبىراق بۇل باعىتتاعى ىستەر جاقىن ارادا ىسكە اسا قويمايدى. سوندىقتان ءبىز بار كۇش- جىگەرىمىزدى جۇمىلدىرىپ، بىرلەسە جۇمىس ىستەۋ ارقاسىندا عانا اتالعان ماسەلەلەردى شەشە الامىز. بۇگىنگى تاڭدا ءبىزدىڭ ۇجىمدىق ءىس- ارەكەتتەرىمىز بولىپ جاتقان وزگرەىس قارقىنىنا سايكەس كەلمەيدى»، - دەدى انتونيو گۋتتەرەش

ونىڭ ايتۋىنشا، تۇراقتى دامۋدى قامتاماسىز ەتۋ بويىنشا ب ۇ ۇ تاراپىنان شارالار قابىلدانىپ، جۇمىستار جۇرگىزىلىپ جاتىر.

«ءبىزدىڭ جالپى كۇن تارتىبىمىزدە باستامالار ىلگەرىلەتۋ مەن جەتىلدىرۋدى تالاپ ەتەدى. بۇگىندە الەم ەلدەرىنىڭ باسشىلارى تۇراقتى دامۋ ىستەۋى قاجەت. وسى ورايدا استانا حالىقارالىق فورۋمى اتالعان پروبلەمالاردى تالقىلاۋعا، ولاردى ءتيىمدى شەشۋگە ىقپال ەتەدى»، - دەپ ءسوزىن تۇيىندەدى انتونيو گۋتتەرەش.