سوعىستار مەن قاقتىعىستار يدەولوگياسىن توقتاتۋ كەرەك - پرەزيدەنت
«ادامداردىڭ ءال- اۋقاتىنا اسەر ەتەتىن پروبلەمالاردىڭ ءتۇپ- تامىرىن انىقتاۋىمىز كەرەك. شىن مانىندە، الەم بويىنشا قاراپايىم ادامداردىڭ ءومىرى كۇردەلەنە ءتۇستى جانە ءبىز مۇنى مويىنداۋىمىز كەرەك. ەكىنشىدەن، تەك تاقىرىپتارعا قاراۋدىڭ قاجەتى جوق، ءبىز تەرەڭىنەن قاراستىرۋىمىز ءتيىس. ورتاق ماسەلەلەردى بىرگە تالقىلاپ، ونىڭ شەشىمىن تابۋىمىز كەرەك. مەنىڭ كوزقاراسىم بويىنشا ديالوگ، پىكىر الماسۋ جانە اشىقتىق باسىم بولعانى ءجون. سوعىستار مەن قاقتىعىستار يدەولوگياسىن توقتاتۋ كەرەك»، - دەدى قاسىم- جومارت توقايەۆ استانا حالىقارالىق فورۋمىندا مودەراتوردىڭ ساۋالىنا جاۋاپ بەرە تۇرىپ.
استانا حالىقارالىق فورۋمىنىڭ جالپى وتىرىسىندا پرەزيدەنت قاسىم- جومارت توقايەۆ ب ۇ ۇ- نىڭ الەمدەگى ءتارتىپتى ساقتاۋداعى رولىنە توقتالدى.
«ءبىز بىرىككەن ۇلتتار ۇيىمى قۇرىلعاننان بەرى سالىنعان الەمدىك ءتارتىپتىڭ ىرگەتاسىنىڭ بۇزىلۋ پروتسەسىنە كۋا بولىپ وتىرمىز»، - دەدى مەملەكەت باسشىسى.
سونداي- اق، قاسىم- جومارت توقايەۆ قاۋىپسىزدىك كەڭەسىندەگى ەلدەردىڭ تەڭ قۇقىعى تۋرالى پايىمىن ايتتى.
«ب ۇ ۇ بۇكىل ادامزاتتى بىرىكتىرەتىن جالعىز امبەباپ جاھاندىق ۇيىم بولىپ قالا بەرەدى. سونىمەن قاتار، ءبىز قاۋىپسىزدىك كەڭەسىن جان- جاقتى رەفورمالاماساق، قازىرگى قيىندىقتاردى ءساتتى شەشە المايمىز. كەڭەستەگى «ورتا دەرجاۆالار» وكىلدەرىنىڭ ءۇنى نەعۇرلىم سالماقتى بولۋى جانە ەستىلۋى كەرەك»، - دەدى پرەزيدەنت.
ايتا كەتەيىك، ەلورداداعى استانا حالىقارالىق فورۋمىنىڭ جالپى وتىرىسىنا پرەزيدەنت قاسىم- جومارت توقايەۆ قاتىسىپ جاتىر.
سونىمەن قاتار قىرعىزستان پرەزيدەنتى سادىر جاپاروۆ، بوسنيا جانە گەرتسەگوۆينا پرەزيديۋمىنىڭ ءتوراعاسى جەلكا تسۆيانوۆيچ، وزبەكستان پرەمەر- ءمينيسترى ابدۋللا اريپوۆ، يۋنەسكو باس ديرەكتورى ودرە ازۋلە، حالىقارالىق ۆاليۋتا قورىنىڭ باسقارۋشى ديرەكتورى كريستالينا گەورگيەۆا جانە باسقا دا سپيكەرلەر ءسوز سويلەيدى دەپ جوسپارلانعان.
