مەملەكەت باسشىسى: الەم قايتادان بلوك- بلوكقا ءبولىنىپ، جىكتەلە باستادى
«COVID-19-دان باستاپ قارۋلى قاقتىعىستارعا دەيىنگى ءبىرقاتار حالىقارالىق داعدارىس ءبىزدىڭ نازىك حالىقارالىق ەكوجۇيەمىزگە قاۋىپ ءتوندىرىپ وتىر. الايدا، بۇل ۇدەرىستەر تامىرىن وتكەن كۇندەردەن الىپ جاتىر. سونداي- اق، ءبىز كەيىنگى 30 جىلدا كورمەگەن بۇرىنعى بلوكتارعا جىكتەلۋدى بايقاپ وتىرمىز. بۇل بولشەكتەنۋ تەك گەوساياسي سيپاتتا عانا ەمەس. ولاردىڭ ەكونوميكالىق استارى دا بار. ەكونوميكالىق ساياساتتىڭ ءوزى قارۋعا اينالىپ بارادى. ونداي تەكەتىرەستەر سانكسيالار مەن ساۋدا سوعىستارىن، ماقساتتى قارىز ساياساتىن، قارجىلاندىرۋ جۇيەسىنە قولجەتىمدىلىكتى شەكتەۋ، ءتىپتى جۇيەدەن شىعارىپ تاستاۋ، ينۆەستيتسيانى سكرينينگتەۋ سياقتى شارالاردى تۋىنداتىپ وتىر»، - دەدى قاسىم- جومارت توقايەۆ.
مەملەكتە باسشىسىنىڭ پايىمىنشا، وسى فاكتورلاردىڭ ءبارى كەيىنگى ونجىلدىقتاردا جاھاندىق بەيبىتشىلىك پەن باقۋاتقا وزەك بولىپ تۇرعان ەركىن ساۋدا- ساتتىق، جاھاندىق ينۆەستيتسيا، ينووۆاتسيا جانە ادىلەتتى باسەكەلەستىكتەن قۇرالاتىن ىرگەتاستى بىرتىندەپ تەڭسەلتىپ جاتىر.
«بۇل ءوز كەزەگىندە مەملەكەتتەر اراسىنداعى جانە مەملەكەتتەر ىشىندە بولىنۋشىلىككە جانە الەۋمەتتىك مازاسىزدىقتىڭ كۇشەيۋىنە اكەلەدى»، - دەدى پرەزيدەنت.
مەملەكەت باسشىسى قاسىم- جومارت توقايەۆ استانا حالىقارالىق فورۋمىنىڭ فورۋمىنىڭ نەگىزگى ميسسياسىن اتادى.
«استانا حالىقارالىق فورۋمى - بۇل ديالوگ الاڭى. ونىڭ نەگىزگى ميسسياسى مىناداي:
ءبىرىنشى، الەمدەگى جاعدايدى اشىق تالقىلاۋ.
ەكىنشى، الدىمىزدا تۇرعان نەگىزگى سىن- قاتەرلەر مەن داعدارىستى ايقىنداۋ.
ءۇشىنشى، وسى سىن- قاتەرلەرگە ءوزارا ىنتىماقتاستىق رۋحىندا ديالوگ ارقىلى قارسى تۇرۋ.
ءتورتىنشى، كوپجاقتى قاتىناستاردىڭ ورتاق مادەنيەتىن جاڭارتۋ جانە قالپىنا كەلتىرۋ.
بەسىنشى، بەيبىتشىلىكتى، پروگرەسس پەن ىنتىماقتى جاقتايتىن داۋىستاردى كۇشەيتۋ»، - دەدى مەملەكەت باسشىسى فورۋمىنىڭ جالپى وتىرىسىندا.
پرەزيدەنتتىڭ ايتۋىنا قاراعاندا، بۇل فورۋم ءوزارا بەلسەندى ىنتىماقتاستىققا تىكەلەي ىقپال ەتەدى.
«اسىرەسە بۇرىن- سوڭدى بولماعان گەوساياسي شيەلەنىس كەزەڭىندە بىزگە مۇنداي قارىم- قاتىناس وتە قاجەت. سىن- قاتەرلەرگە توتەپ بەرۋ ماڭىزدى. وسى رەتتە جاھاندىق جۇيە بەيبىتشىلىك پەن وركەندەۋدى تاڭداۋلىلار ءۇشىن ەمەس، كوپشىلىك ءۇشىن قامتاماسىز ەتە وتىرىپ جۇمىس ىستەۋگە ءتيىس»، - دەدى قاسىم- جومارت توقايەۆ.
ايتا كەتەيىك، ەلورداداعى استانا حالىقارالىق فورۋمىنىڭ جالپى وتىرىسىنا پرەزيدەنت قاسىم- جومارت توقايەۆ قاتىسىپ جاتىر.
سونىمەن قاتار قىرعىزستان پرەزيدەنتى سادىر جاپاروۆ، بوسنيا جانە گەرتسەگوۆينا پرەزيديۋمىنىڭ ءتوراعاسى جەلكا سۆيانوۆيچ، وزبەكستان پرەمەر- ءمينيسترى ابدۋللا اريپوۆ، يۋنەسكو باس ديرەكتورى ودرە ازۋلە، حالىقارالىق ۆاليۋتا قورىنىڭ باسقارۋشى ديرەكتورى كريستالينا گەورگيەۆا جانە باسقا دا سپيكەرلەر ءسوز سويلەيدى دەپ جوسپارلانعان.