ىسكەرلىك جانە ەكونوميكالىق سەرىكتەستىكتىڭ جاڭا مۇمكىندىكتەرىن تابۋعا مۇددەلىلەردىڭ ءبارىن شاقىرامىز - پرەزيدەنت
«سونىمەن قاتار ءبىز شەتەلدىك سەرىكتەستەرىمىزدىڭ تاراپىنان ءوزارا جاۋاپكەرشىلىككە ءۇمىت ارتامىز. ءبىزدىڭ ساياساتىمىزدىڭ نەگىزگى پرينتسيپتەرى دە سوعان نەگىزدەلگەن. بۇل ءوز كەزەگىندە ەلىمىزدىڭ ەكونوميكالىق دامۋىندا وتە ماڭىزدى ءرول اتقاراتىن شاعىن جانە ورتا بيزنەس ءۇشىن تەڭ قۇقىقتار مەن مۇمكىندىكتەر تۋعىزادى»، - دەدى مەملەكەت باسشىسى.
قاسىم- جومارت توقايەۆ وتكەن جىلى قازاقستاننىڭ ەكسپورتى 40 پايىزعا وسكەنىن اتاپ ءوتتى.
«جالپى ىشكى ءونىمىمىزدىڭ ەداۋىر بولىگى ءالى دە ەنەرگەتيكا سەكتورىنا تيەسىلى بولسا دا، ءارتاراپتاندىرۋعا دەگەن ۇمتىلىسىمىز كۇشەيە تۇسۋدە. ءبىز اۆتوموبيل، فارماتسيەۆتيكا، مەتالل وڭدەۋ جانە ماشينا جاساۋ سياقتى سالالاردا ءوسىمدى كورىپ وتىرمىز. ءبىز ىسكەرلىك جانە ەكونوميكالىق سەرىكتەستىكتىڭ جاڭا مۇمكىندىكتەرىن تابۋعا مۇددەلىلەردىڭ ءبارىن شاقىرامىز»، - دەدى پرەزيدەنت.
قازاقستان پرەزيدەنتى استانا حالىقارالىق ارالدى قورعاۋ قورىن قولداۋعا كوبىرەك قارجى ءبولۋ كەرەك.
«ايماقتاعى ەكى ۇلكەن وزەن سىرداريا مەن ءامۋدارياداعى سۋ دەڭگەيى 2050 -جىلعا قاراي 15 پايىزعا تۇسەدى. ءبىز ايماقتاعى ەكولوگيالىق اپاتتىڭ الدىن الۋ ءۇشىن حالىقارالىق ارالدى قورعاۋ قورىن قولداۋعا كوبىرەك قارجى بولۋگە شاقىرامىز. سۋ مەن كليماتتىڭ وزگەرۋ ماسەلەسى ءوزارا تىعىز بايلانىستى. ورتالىق ازيا - سۋ قاۋىپسىزدىگىن ساقتاۋ تىعىز ارىپتەستىك جانە بىرلەسكەن ءتيىمدى شارالاردى جۇزەگە اسىرۋ ارقىلى عانا شەشىلەتىن ايماق. ايماقتاعى كليمات جانە وزگە دە ماسەلەلەردى تالقىلاۋ ءۇشىن مەن الماتىدا ورتالىق ازيا ەلدەرىنىڭ جوبالىق كەڭسەسىن قۇرۋدى جانە ب ۇ ۇ سەكىلدى حالىقارالىق ۇيىمداردى تارتا وتىرىپ، 2026 -جىلى قازاقستاندا ايماقتىق كليماتتىق سامميت وتكىزۋدى ۇسىنامىن»، - دەدى قاسىم- جومارت توقايەۆ.
سونىمەن قاتار مەملەكەت باسشىسى «جاسىل» ەكونوميكاعا قاجەتتى جىلدامدىقپەن كوشۋ ءۇشىن ءتيىستى رەسۋرستار كەرەك ەكەنىن ايتتى
«ەلىمىز «جاسىل» ەكونوميكانىڭ مول مۇمكىندىكتەرىن ۇسىنىپ، قايتا قالپىنا كەلتىرىلەتىن ەنەرگەتيكانىڭ ورتالىعى اتانا الار ەدى. الايدا ۋاقىت ءبىزدىڭ جاعىمىزدا ەمەس. كومىردى از تۇتىنۋ جانە «جاسىل» ەكونوميكاعا قاجەتتى جىلدامدىقپەن كوشۋ ءۇشىن بىزگە رەسۋرستار مەن سەرىكتەستىك بايلانىس قاجەت»، - دەدى پرەزيدەنت.
بۇدان بۇرىن حابارلانعانداي، بۇگىن ەلورداداعى كونگرەسس ورتالىقتا استانا حالىقارالىق فورۋمى جۇمىسىن باستادى.
فورۋم كليماتتىڭ وزگەرۋىنە، ازىق- تۇلىك تاپشىلىعىنا جانە ەنەرگەتيكالىق قاۋىپسىزدىككە قاتىستى ماسەلەلەردى شەشۋ جولدارىن قاراستىرۋ ماقساتىندا شەتەل ۇكىمەتتەرىنىڭ، حالىقارالىق ۇيىمداردىڭ، بيزنەس پەن عىلىمي ورتانىڭ جوعارى لاۋازىمدى دەلەگاتتارىنىڭ ديالوگىنە ارنالعان الاڭ بولماق.