ەرتىس وزەنىندە قىتايلار التىن ءوندىرىپ جاتىر: اباي وبلىسىنىڭ اكىمدىگى مالىمدەمە جاسادى

سەمەي. قازاقپارات - اباي وبلىسىنىڭ اكىمدىگى جەلىدە قىتايلىق كومپانيانىڭ ەرتىس وزەنىندە التىن قازىپ جاتقانى تۋرالى اقپاراتقا قاتىستى مالىمدەمە جاسادى، دەپ حابارلايدى قازاقپارات ءتىلشىسى.

كەشەلى بەرى الەۋمەتتىك جەلىلەر مەن مەسسەندجەرلەردە بەسقاراعاي اۋدانى دولون اۋىلىنداعى ەرتىس وزەنىندە قىتايلىق كومپانيانىڭ ەرتىس وزەنىندە التىن قازىپ جاتقانى تۋرالى اقپارات تارادى.

وندا «ولار حيميالىق زاتتاردى (سيانيت) پايدالانىپ جاتىر. سوندىقتان ەرتىس وزەنىندە مۇلدە شومىلماڭىزدار» دەپ جازىلعان.

وسىعان وراي اباي وبلىسىنىڭ اكىمدىگى رەسمي مالىمدەمە جاسادى.

«ەرتىس وزەنىنىڭ تۇبىندە التىن كەنىن ءوندىرۋ ءۇشىن ق ح ر ازاماتتارى كەلگەنى تۋرالى اقپارات شىندىققا مۇلدە سايكەس كەلمەيدى. تۇرعىنداردان تەك رەسمي اقپارات كوزدەرىنە سەنۋدى سۇرايمىز. كورىنەۋ جالعان اقپارات تاراتقانداردىڭ قىلمىستىق جاۋاپكەرشىلىككە تارتىلاتىنىن ەسكەرتەمىز»، - دەلىنگەن حابارلامادا.