ۇلتتىق قور - بالالارعا باعدارلاماسى قالاي ازىرلەنىپ جاتىر - مينيستر پىكىرى

استانا. قازاقپارات – ق ر ادىلەت ءمينيسترى ادىلەت ەسقارايەۆ «ۇلتتىق قور - بالالارعا» اتتى جاڭا باعدارلامانىڭ قالاي جۇزەگە اسىرىلىپ جاتقانىن ايتتى، دەپ حابارلايدى قازاقپارات ءتىلشىسى.

«قازىرگى ۋاقىتتا ارنايى زاڭ جوباسى ازىرلەندى، ءماجىلىستىڭ قاراۋىنا بەرىلىپ، جۇمىس توپتارىندا تالقىلانىپ جاتىر. جاقىن ارادا ماجىلىسكە قابىلدانادى دەپ ۇمىتتەنەمىن»، - دەدى مينيستر استانا حالىقارالىق فورۋمىنىڭ كۋلۋارىندا.

ونىڭ ايتۋىنشا، جەكە تۇلعالاردىڭ دەرەكتەر بازاسى مەن مالىمەتتەر مينيسترلىكتە ساقتالادى.

«زاڭ جوباسىندا تولەم سوماسى، بالالاردىڭ ءوز شوتىنا قاراجات الۋ قۇقىعى، قانشا جاسقا دەيىن قانشا تەڭگە الاتىنى بەكىتىلەدى. بۇل تۇزەتۋلەر بيۋدجەت كودەكسى مەن باسقا دا زاڭنامالىق اكتىلەرگە ەنگىزىلەدى. ياعني، بالا 18 جاسقا تولعاندا تولەمدى الۋ تۋرالى ءتيىستى ءوتىنىم بەرەدى. ءارى قاراي ءوز قالاۋىنشا زاڭناما اياسىندا وقۋعا نەمەسە باسپاناعا جۇمساي الادى. 18 جاسقا دەيىن ءار بالاعا شامامەن ءبىر جارىم ميلليون تەڭگە تولەنەدى»، - دەپ ءتۇسىندىردى مينيستر.

زاڭ جوباسى 2024 -جىلدىڭ 1-قاڭتارىندا كۇشىنە ەنەدى.