استانا حالىقارالىق فورۋمى باستالدى
فورۋمنىڭ تاقىرىبى - «ديالوگ ارقىلى سىن- قاتەرلەردى ەڭسەرۋ: ىنتىماقتاستىق، دامۋ جانە پروگرەسس جولىندا».
بۇگىندە الەم جەدەل ءىس- قيمىل مەن كەلىسىلگەن كۇش- جىگەردى قاجەت ەتەتىن ماسەلەلەرگە تاپ بولىپ وتىر.
كوپتەگەن ماسەلەلەردى مۇددەلى تاراپتار اراسىنداعى ديالوگ پەن ىنتىماقتاستىقسىز شەشۋ مۇمكىن ەمەس. تەك ديالوگ پەن ىنتىماقتاستىق ارقىلى نەعۇرلىم تۇراقتى جانە ءادىل الەم قۇرا الامىز.
ا ح ف ەكسكليۋزيۆتى سيپاتقا يە، وعان 300-گە جۋىق تانىمال شەتەلدىك سپيكەر قاتىسادى. جالپى، فورۋمعا بارلىعى 1000-عا جۋىق ادام قاتىسادى دەپ جوسپارلانعان.
سونىمەن قاتار، فورۋم ەلىمىزگە ينۆەستور تارتۋ ءۇشىن ماڭىزى زور شارا سانالادى.
ا ح ف - ەڭ ۇلكەن ديالوگ الاڭى، ونى «ازيالىق داۆوس» دەپ ساناۋعا بولادى. قازىرگى زاماننىڭ ەڭ وزەكتى ماسەلەلەرىن تالقىلاۋ جانە ساراپشىلار توبىنىڭ قاتىسۋىمەن ولاردىڭ شەشىمىن ىزدەۋ - شارانىڭ ەڭ ماڭىزدى مىندەتى.
قازىرگى جاعدايدا قازاقستاننىڭ الەمدىك قوعامداستىقتىڭ حالىقارالىق پىكىرتالاس ورنى بولۋعا مۇمكىندىگى بار.
بۇل جاعداي - ەلىمىزدىڭ دامۋىنا قاجەتتى ەلەۋلى ينۆەستيتسيالىق ۇلەستى قامتاماسىز ەتەدى. ساۋدانى دامىتۋعا جانە ءىرى كومپانيالارمەن، قارجى ينستيتۋتتارىمەن جاڭا بايلانىستار ورناتۋعا مۇمكىندىك بەرەدى.
وتاندىق تاۋارلاردى ساتۋ جانە ەكسپورتقا شىعارۋ ءۇشىن جاڭا مۇمكىندىكتەر اشادى.
فورۋم قارساڭىندا، ياعني كەشە، 7 - ماۋسىمدا، احقو ۇيىمداستىرعان Astana Finance Days حالىقارالىق كونفەرەنسياسى ءوتتى.
8-ماۋسىمدا جالپى وتىرىستان كەيىن شەتەلدىك ينۆەستورلار كەڭەسى وتەدى.
فورۋم ەۋرازياداعى ساراپشىلار ءۇشىن باستى ديالوگ الاڭدارىنىڭ ءبىرى، ناتيجەلى جانە بەدەلدى شارا بولماق.
ءىس- شارانىڭ ماڭىزدىلىعى شاقىرىلعان سپيكەرلەر مەن دەلەگاتتاردىڭ دەڭگەيى كورسەتىپ تۇر.
ولار - ەلدەر مەن حالىقارالىق ۇيىمداردىڭ، ساياساتكەرلەردىڭ، عالىمدار مەن ەكونوميستەردىڭ الەمدەگى جانە ايماقتاعى قازىرگى جاعدايعا كوزقاراستارىمەن بولىسەتىن، قازىرگى پروبلەمالاردىڭ ىقتيمال شەشىمدەرىن تالقىلايتىن الدىڭعى قاتارلى تۇلعالارى.
حالىقارالىق ينۆەستورلاردى تارتۋ، ەلدە جانە الەمدە ەكونوميكالىق ساياساتتىڭ كۇن ءتارتىبىن قالىپتاستىرۋ ءۇشىن جاڭا يدەيالارمەن الماسۋ فورۋمنىڭ تيىمدىلىگىن كورسەتەدى.