گاۆايدە كيلاۋەا جانارتاۋى قايتا اتقىلادى

استانا. قازاقپارات - اقش گەولوگيالىق قىزمەتىنىڭ حابارلاۋىنشا، گاۆاييدە ءۇش ايلىق ۇزىلىستەن كەيىن كيلاۋەا جانارتاۋىنىڭ اتقىلاۋى قايتا باستالدى، دەپ حابارلايدى قازاقپارات.

«ا ق ش گەولوگيالىق قىزمەتىنىڭ گاۆاي جانارتاۋ وبسەرۆاتورياسى (HVO) جەرگىلىكتى ۋاقىت بويىنشا ساعات 04:44-تە كيلاۋەا شىڭىندا جارقىراۋدى تىركەدى. بۇل گاۆاي ۇلتتىق جانارتاۋ ساياباعىنداعى كيلاۋەا حالەماۋماۋ شىڭىنىڭ جانارتاۋ كراتەرىندە اتقىلاۋدىڭ باستالۋىن تانىتىپ وتىر»، - دەلىنگەن حابارلامادا.

كيلاۋەا - گاۆاي ارالىنداعى بەلسەندى «كالدەرا قالقان جانارتاۋى». ول تەڭىز دەڭگەيىنەن 1243 مەتر بيىكتىكتە ورنالاسقان، ونىڭ نەگىزى تىنىق مۇحيتىنىڭ تۇبىنە شامامەن 5,5 شاقىرىم تەرەڭدىكتە ورنالاسقان. جانارتاۋدا كوپتەگەن بۇيىرلىك كراتەرلەر جانە لاۆا اعىپ جاتقان بىرنەشە پارازيتتىك شلاك كونۋستار بار.

نەگىزگى قاۋىپ - كيلاۋەا اتقىلاۋى كەزىندە ۇزدىكسىز بولىنەتىن جانارتاۋ گازىنىڭ كوپ مولشەرى، قىزدىرىلعان سۋ بۋىنىڭ اعىنى، كومىرقىشقىل گاز جانە كۇكىرت ديوكسيدى.

بيىلعى اقپان ايىنىڭ ورتاسىندا گاۆاي ارالىنىڭ وڭتۇستىگىندەگى جەر سىلكىنىسىنەن كەيىن كيلاۋەا جانارتاۋىنىڭ بەلسەندىلىگى قايتا جانداندى.