ريم پاپاسىنا وتا جاسالادى
ۆاتيكاننىڭ رەسمي وكىلى ماتتەو برۋنيدىڭ ايتۋىنشا، پونتيفيك دجەمەللي اۋرۋحاناسىندا جارىعىن الىپ تاستاعاننان كەيىن قالپىنا كەلۋ ءۇشىن بىرنەشە كۇن بولادى.
BBC News مالىمەتىنشە، جارىق كەسىرىنەن ريم پاپاسىندا «قايتالاناتىن، اۋىراتىن جانە جاعدايىن ناشارلاتاتىن» بەلگىلەر بار.
كەيىنگى جىلدارى 86 جاستاعى پونتيفيكتىڭ دەنساۋلىعىندا كىنارات بولعان. ونىڭ تىزەسى ۇنەمى اۋىراتىندىقتان، مۇگەدەكتەر ارباسى مەن تاياق پايدالانادى.
ۆاتيكان مالىمدەمەسىندە سوڭعى كۇندەرى مەديتسينا بريگاداسى پونتيفيككە وتا جاساۋ كەرەك دەگەن شەشىمگە كەلگەنى ايتىلادى.
«وتادان كەيىن تولىق فۋنكتسيونالدى قالپىنا كەلۋى ءۇشىن بىرنەشە كۇن مەديتسينالىق مەكەمەدە بولادى»، - دەپ اتاپ ءوتتى برۋني.
بۇعان دەيىن پاپا فرانتسيسك سارسەنبىدە اپتا سايىنعى اۋديەنتسياسىن قالىپتى رەجيمدە وتكىزدى جانە جوسپارلى وتا تۋرالى ايتپادى.
ءبىر كۇن بۇرىن ول برونحيتپەن اۋرۋحاناعا تۇسكەننەن كەيىن بىرنەشە اي وتكەن سوڭ ريمدەگى ەم قابىلداعان اۋرۋحاناسىندا جوسپارلى تەكسەرۋدەن ءوتتى.
ناۋرىزدا ول پونتيفيكاتىنىڭ 10 جىلدىعىن اتاپ وتكەن ۋاقىتتا وكپە ينفەكتسياسىن ەمدەۋ ءۇشىن اۋرۋحانادا ءۇش كۇن بولدى.
2021-جىلى ريم پاپاسى فرانتسيسك ىشەكتىڭ اۋىرعانىنان ايىعۋ ءۇشىن توق ىشەكتىڭ ءبىر بولىگىن الىپ تاستاعاننان كەيىن اۋرۋحانادا 10 كۇن بولدى. جاقىندا ول تاعى دا سول ماسەلەگە شاعىمدانا باستادى.
دەنساۋلىعىنداعى كىناراتتارعا قاراماستان، ريم پاپاسى فرانتسيسكتىڭ كەستەسى ءالى دە تىعىز. ول تامىز ايىندا پورتۋگاليا مەن موڭعولياعا بارۋى كەرەك.