22:58, 07 - ماۋسىم 2023 | GMT +6
دەمالىس كۇنى باستىعىڭىز حابارلاسسا، جاۋاپ بەرۋگە مىندەتتىسىز بە؟
استانا. قازاقپارات – دەمالىس كۇنى باستىعىڭىز جۇمىسقا قاتىستى حابارلاسسا، زاڭ بويىنشا وعان جاۋاپ بەرۋگە مىندەتتىسىز بە؟
بۇل جايلى ادۆوكات ەلنۋرا كيشكەنەبايەۆا ءوزىنىڭ ينستاگرام پاراقشاسىندا ايتتى.
دەمالىس كۇنى باستىعىڭىز حابارلاسسا، ءسىز جاۋاپ بەرۋگە مىندەتتىسىز بە؟ ەگەر ءسىز ەشقانداي نۇسقاۋعا قول قويماساڭىز جانە باسشىلىقپەن 24 ساعات ىشىندە بايلانىسقا شىعۋعا مىندەتتى بولماساڭىز، مۇنداي حابارلاماعا جاۋاپ بەرمەۋگە بولادى. ال زاڭ بويىنشا، دەمالىس كۇندەرى قوڭىراۋلار مەن س م س- تەرگە تىكەلەي تىيىم سالۋ، سونداي-اق جۇمىس ىستەمەيتىن كۇندەرى جاۋاپ بەرۋ مىندەتى قاراستىرىلماعان. قازاقستان رەسپۋبليكاسىنىڭ ەڭبەك كودەكسىنىڭ 22-بابىنا سايكەس، قىزمەتكەرلەردىڭ دەمالۋعا قۇقىعى بار. جۇمىس بەرۋشى مەن قىزمەتكەر اراسىنداعى كەلىسىم-شارتپەن ناقتى تانىسىڭىز. كەلىسپەيتىن تۇستارى بولسا، زاڭگەر كەڭەسىنە جۇگىنىڭىز»، - دەدى ادۆوكات.