تۇڭعىش پرەزيدەنت كەڭسەسى جۇمىسىن توقتاتاتىن بولدى

استانا. قازاقپارات – قارجى ءمينيسترى ەرۇلان جاماۋبايەۆ ءماجىلىس كۋلۋارىندا تۇڭعىش پرەزيدەنت نۇرسۇلتان نازاربايەۆتىڭ كەڭسەسى قايتا قۇرىلىمدالاتىنىن مالىمدەدى، - دەپ حابارلايدى Massaget.kz ءتىلشىسى.

شەنەۋنىكتىڭ ايتۋىنشا، ول جاقىن ارادا جۇمىسىن توقتاتادى.

«قازىر كەڭسەدە قايتا قۇرىلىمداۋ ءجۇرىپ جاتىر. كەيبىر ادامدار باسقا ۇيىمدارعا اۋىسادى، كەيبىرى قىسقارتىلادى. ونداي كەڭسە بولمايدى. ول قايتا قۇرىلىمداۋ ساتىسىندا. بۇل ماسەلە ءبىر جارىم ايدىڭ ىشىندە شەشىلەدى دەپ ويلايمىن»، - دەدى جاماۋبايەۆ.

شەنەۋنىكتىڭ ايتۋىنشا، كەڭسەنى تاراتۋ ناتيجەسىندە جىل سايىن 2-3 ميلليارد بيۋجەتتىك تەڭگە ۇنەمدەلەدى.