امەريكالىق ينۆەستيتسيا اعىنى ەسەلەنە ءتۇستى –س ءى م
بۇل جايىندا ا ق ش- پەن ىنتىماقتاستىقتى ودان ارى دامىتۋ جونىندەگى ينۆەستيتسيالىق دوڭگەلەك ۇستەل وتىرىسى بارىسىندا سىرتقى ىستەر ءمينيسترىنىڭ ورىنباسارى الماس ايداروۆ ايتتى، دەپ حابارلايدى قازاقپارات ءتىلشىسى.
«قازاقستان تاراپى اتىنان ا ق ش ميسسياسىن استانادا قارسى العانىمىزعا قۋانىشتىمىز. ا ق ش ەلشىلىگىنە، ا ق ش- تىڭ ساۋدا پالاتاسىنا، سونىمەن قاتار بيزنەس كەڭەسكە وسىناۋ ءىس-شارانى ۇيىمداستىرعانى ءۇشىن ريزاشىلىعىمدى بىلدىرگىم كەلەدى. ا ق ش پەن قازاقستان اراسىنداعى ىنتىماقتاستىقتى دامىتۋعا ارنالعان بۇگىنگى «دوڭگەلەك ۇستەل» پرەزيدەنتىمىز قاسىم-جومارت توقايەۆتىڭ ا ق ش- قا ساپارى كەزىندە باستالعان سىندارلى ديالوگتىڭ جالعاسى سانالاتىندىعى قۋانتادى»، - دەدى سىرتقى ىستەر ءمينيسترىنىڭ ورىنباسارى.
سونىمەن قاتار ول ا ق ش قازاقستانعا تىكەلەي ينۆەستيتسيا سالۋدا كوشباسشى ەلدەردىڭ قاتارىندا تۇرعانىن اتاپ ءوتتى.
«وتكەن جىلى، پاندەميادان كەيىنگى امەريكالىق ينۆەستيتسيا اعىنى ەكى ەسەگە جۋىق ارتىپ، 5,1 ميلليارد دوللاردان اسىپ ءتۇستى. قازاقستان ىنتىماقتاستىقتىڭ بارلىق سالاسىنداعى ءبىزدىڭ كەلىسىمدەرىمىزدى كۇشەيتۋگە دايىن ەكەندىگىن اتاپ وتكىمىز كەلەدى»، - دەدى الماس ايداروۆ.