سولتۇستىك قازاقستان وبلىسىندا برۋسەللەز انىقتالعان اۋىلعا شەكتەۋ ەنگىزىلەدى

استانا. قازاقپارات - سولتۇستىك قازاقستان وبلىسىنداعى تالشىق اۋىلىندا ءىرى قارادان برۋسەللەز انىقتالدى. تيىسىنشە، ەلدى مەكەن اۋماعىنا شەكتەۋ ەنگىزىلۋى مۇمكىن، دەپ حابارلايدى قازاقپارات ءتىلشىسى.

«سولتۇستىك قازاقستان وبلىسى اقجار اۋدانى تالشىق اۋىلدىق وكرۋگى تالشىق اۋىلىنىڭ اۋماعىندا ءىرى قارا مال اراسىندا برۋتسەللەز اۋرۋىنىڭ پايدا بولۋىنا بايلانىستى شەكتەۋ ءىس- شارالارى بەلگىلەنسىن»، - دەلىنگەن اشىق ن ق ا پورتالىندا جاريالانعان ەلدى مەكەن اكىمىنىڭ شەشىم- جوباسىندا.

ءمالىم بولعانداي، شەكتەۋدى ەنگىزۋگە 2 باس ءىرى قارا مالدان انىقتالعان برۋسەللەز اۋرۋى سەبەپ بولىپ وتىر.

«1-ماۋسىمدا سولتۇستىك قازاقستان وبلىستىق ۆەتەريناريا بولىمىندە جۇرگىزىلگەن دياگنوستيكالىق زەرتتەۋ قورىتىندىسى بويىنشا اقجار اۋدانى تالشىق اۋىلدىق وكرۋگىندەگى تالشىق اۋىلىندا 2 باس سيىردان الىنعان بليولوگيالىق ماتەريال سىناماسى برۋتسەللەزگە وڭ ناتيجە كورسەتتى. وسىنى نەگىزگە الا وتىرىپ، اۋىل اۋماعىنا شەكتەۋ بەلگىلەۋ قاجەت»، - دەپ تۇسىندىرمە بەرىلگەن شەشىمگە.

قۇجات 21-ماۋسىمعا دەيىن كوپشىلىك تالقىلاۋدا بولادى.

ەسكە سالايىق، تاياۋدا سولتۇستىك قازاقستان وبلىسىنا قاراستى كامىشلوۆ اۋىلىندا ءىرى قارادان برۋسەللەز انىقتالىپ، اتالعان ەلدى مەكەن اۋماعىندا شەكتەۋ جاريالانعان ەدى.

ال، جالپى جىل باستالعالى سولتۇستىك قازاقستان وبلىسىندا برۋتسەللەز انىقتالعان 60 شاقتى مالدىڭ كوزى جويىلدى.