قوسپايەۆ باستاعان قىلمىستىق توپتى شەكارادان وتكىزىپ جىبەرگەن ماشانلو سوتتالدى

None
استانا. قازاقپارات - جامبىل وبلىستىق پروكۋراتۋراسى «قوسپايەۆ» ۇيىمداسقان قىلمىستىق توبى» دەگەن اتپەن تانىلعان ۇيىم مۇشەلەرىن شەكارادان زاڭسىز وتكىزىپ جىبەرگەن كۇدىكتىنىڭ سوتتالعانىن حابارلادى، دەپ حابارلايدى قازاقپارات ءتىلشىسى.

قورداي اۋداندىق سوتىنىڭ 25 -ساۋىردەگى ۇكىمىمەن ۇيىمداسقان قىلمىستىق توپ مۇشەلەرى شالين، يماشيەۆ جانە قوسپايەۆتى مەملەكەتتىك شەكارا ارقىلى وتكىزۋ جۇمىسىن ۇيىمداستىرعان م. ا. ماشانلو قىلمىستىق كودەكستىڭ 394-بابىنىڭ 2-بولىگى بويىنشا 2 جىل 6 ايعا باس بوستاندىعىنان ايىرىلدى.

بۇعان دەيىن حابارلانعانداي، اۋدان پروكۋراتۋراسى قۇرعان ۆەدومستۆوارالىق جەدەل تەرگەۋ توبى ماشانلونى اشكەرەلەگەن ەدى.

ول بىلتىر 6 -تامىزدا سورتوبە اۋىلىنىڭ اۋماعىندا اتالعان تۇلعالاردى قازاقستاننان قىرعىز رەسپۋبليكاسىنا وتكىزۋ بەكەتىنەن تىس جەر ارقىلى وتكىزىپ جىبەرگەن.

«قوسپايەۆ باستاعان شالين مەن يماشيەۆكە بۇرىن قارجىلىق مونيتورينگ اگەنتتىگى رەيدەرلىك جانە ۇيىمداسقان قىلمىستىق توپ قۇرعانى ءۇشىن حالىقارالىق ىزدەۋ جاريالاعانىن ايتا كەتۋ كەرەك» دەلىنگەن ورگاننىڭ الەۋمەتتىك جەلىدەگى پاراقشاسىندا.

ەسكە سالساق، بىلتىر جىل اياعىندا ەلدوس قوسپايەۆ پەن 6 ادامعا رەيدەرلىك قىلمىستىق توپ قۇردى دەگەن ايىپپەن ىزدەۋ جاريالانعان بولاتىن.

اۆتور:

ەسىمجان ناقتىباي


سوڭعى جاڭالىقتار