نۇرسۇلتان نازاربايەۆقا ءتىل تيگىزگەنى ءۇشىن جازانى الىپ تاستاۋ: ادىلەت ۆيتسە- ءمينيسترى پىكىر ءبىلدىردى
بۇل ماسەلە اكتيۆتەردى قايتارۋ تۋرالى زاڭعا ىلىسپە قۇجاتتا ەسكەرىلگەن. ونىڭ اياسىندا قىلمىستىق كودەكستەگى ەكى نورمانى، سونىڭ اراسىندا ءتىل تيگىزۋگە قاتىستى باپتى الىپ تاستاۋ قاراستىرىلعان. جالپى، قازاقستان رەسپۋبليكاسىنىڭ كەز كەلگەن ازاماتىنىڭ ار- نامىسى قورعالادى جانە ازاماتتاردىڭ بۇل قۇقىقتارىن بۇزۋعا بولمايدى، - دەدى ا. مۇقانوۆا سەناتتا تىلشىلەر سۇراعىنا جاۋاپ بەرە وتىرىپ.
بۇل تۇرعىدا ول قازىرگى كەزدە پارلامەنتتە قىلمىستىق كودەكستە ارنايى بەلگىلەنگەن اتالعان باپتاردى الىپ تاستاۋ تالقىلانىپ جاتقانىن ايتتى. بۇل قادامدار كونستيتۋتسيادا قابىلدانعان تۇزەتۋ اياسىندا ەسكەرىلگەن. زاڭنامادا ەلباسى جانە ونىڭ وكىلەتتىكتەرى تۋرالى كورسەتىلمەگەن جانە بۇل باپتار قىلمىستىق كودەكستە قاجەت ەمەس.
سوندىقتان بۇل جەردە دەپۋتاتتار ۇسىنىپ وتىرعان تۇزەتۋلەر قابىلدانعان زاڭدارعا سايكەستەندىرۋگە باعىتتالعان. اتاپ ايتقاندا، «پرەزيدەنت تۋرالى» زاڭدا «ەكس- پرەزيدەنت» دەگەن باپتا ءتيىستى نورما بار. وسى باپ اياسىندا بارلىق ەكس- پرەزيدەنتتىڭ مارتەبەسىنە قاتىستى قۇقىقتار مەملەكەت باسقارعان ادامدارعا تارالادى، - دەدى ۆيتسە- مينيستر.
بۇدان بۇرىن حابارلانعانداي، قىلمىستىق كودەكستەن نۇرسۇلتان نازاربايەۆقا ءتىل تيگىزگەنى ءۇشىن جازاعا تارتاتىن 373 جانە 374-باپتار الىنىپ تاستالادى.
اتالعان باپتاردى الىپ تاستاۋعا قاتىستى ءماجىلىس دەپۋتاتى سنەجانا يماشيەۆا دا پىكىر بىلدىرگەن بولاتىن.
بيىل قاڭتار ايىندا پارلامەنت پالاتالارىنىڭ بىرلەسكەن وتىرىسىندا «ق ر تۇڭعىش پرەزيدەنتى - ەلباسى تۋرالى» كونستيتۋتسيالىق زاڭنىڭ كۇشى جويىلدى.