انتيكور ەل مەكتەپتەرىنىڭ قارجىلىق جاعدايىن تەكسەرىپ جاتىر
«مينيستر رەتىندە قىزمەتكە كىرىسكەندە ەلدەگى بارلىق مەكتەپ ديرەكتورىمەن جينالىس وتكىزدىم. جيىندا جۇمىستىڭ ءتيىستى ءارى ساپالى دەڭگەيدە اتقارىلۋ كەرەكتىگى ايتىلدى. سونىمەن قاتار مەكتەپتەردە زاڭبۇزۋشىلىقتارعا جول بەرمەۋ ماسەلەسى دە قوزعالدى. جۋىردا تالدىقورعاندا جانە قىزىلوردا (جاڭاقورعان اۋدانى) وبلىسىنداعى مەكتەپتەردە سىبايلاس جەمقورلىققا قاتىستى شۋ شىققانىن بىلەتىن شىعارسىزدار. وسىعان بايلانىستى ءبىزدىڭ مينيسترلىك وسىدان 1 اي بۇرىن سىبايلاس جەمقورلىققا قارسى ءىس- قيمىل اگەنتتىگىمەن بىرلەسە وتىرىپ، بۇكىل مەكتەپتەردىڭ قارجىلىق جاعدايىن تەكسەرۋدى باستاپ كەتتى»، - دەدى عاني بەيسەمبايەۆ ۇكىمەت وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرە تۇرىپ.
ءمينيستردىڭ ايتۋىنشا، تەكسەرۋ اياسىندا مەكتەپتەردە بولعان زاڭبۇزۋشىلىقتار بويىنشا ساراپتاما جاسالادى.
«ساراپتاما جۇرگىزۋ ناتيجەسىندە انىقتالعان فاكتىلەر قۇزىرلى ورگانداردىڭ قاراۋىنا جىبەرىلىپ، ءتيىستى شارالار قابىلدانادى»، - دەيدى ۆەدومستۆو باسشىسى.
بۇعان دەيىن ع. بەيسەمبايەۆ مەملەكەتتىك بالاباقشالاردى تولىعىمەن قازاق تىلىنە كوشىرۋ جاعى قارالىپ جاتقانىن مالىمدەگەن ەدى.