بەلدىكپەن ۇرعان: سەمەي اسكەري ليتسەيىندەگى وقيعاعا تۇسىنىكتەمە بەرىلدى
الەۋمەتتىك جەلىدە تاراعان ۆيدەودان اسكەري فورما كيگەن ادامنىڭ ءجاسوسپىرىمدى بەلدىكپەن سوعىپ، بىلاپىت سوزدەر ايتىپ جاتقانىن كورۋگە بولادى.
«3- اقپاندا الەۋمەتتىك جەلىگە مونيتورينگ جاساۋ كەزىندە 111 ۆزۆود ۇلانىنىڭ 91 ۆزۆود ۇلانىن سوققىنىڭ استىنا العانى تۇسىرىلگەن ۆيدەو قولىمىزعا ءتۇستى. سونىمەن قاتار وفيتسەردىڭ 71 ۆزۆود ۇلانىن بەلدىكپەن ۇرعانىن انىقتادىق. اتالعان جاعداي 2022 -جىلدىڭ قازان ايىندا بولعان»، - دەپ ءتۇسىندىردى اباي وبلىستىق ءبىلىم باسقارماسىنان.
قىزمەتتىك تەكسەرۋ بارىسىندا اتالعان فاكتىلەر راستالىپ، كىنالىلەر جاۋاپقا تارتىلعان.
«111 ۆزۆودتىڭ تاربيەلەنۋشىسى 2023 -جىلدىڭ 6- اقپانىندا وقۋدان بوساتىلدى. وفيتسەر وسى جىلدىڭ 8- اقپانىندا جۇمىستان شىعارىلدى. ۇلاندىقتاردىڭ اراسىنداعى كيكىلجىڭ «جاس ۇلان» ليسەيى مەن وبلىستىق ءبىلىم باسقارماسى باسشىلىعىنىڭ تىكەلەي باقىلاۋىندا»، - دەلىنگەن باسقارما تاراتقان مالىمەتتە.