بيىل ەگىستىك ءۇشىن اۋا رايى قالاي بولماق
«قازگيدرومەتتىڭ مالىمەتىنشە، كوكتەمگى اۋا رايى قولايلى بولدى. ىلعالدىلىق بويىنشا جاعداي ورتاشا جىلدىق نورما دەڭگەيىندە. الداعى ۋاقىتتا اۋا رايىنىڭ ناشارلاۋى كۇتىلمەيدى»، - دەدى ەربول قاراشوكەيەۆ ۇكىمەت وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرە وتىرىپ.
ۆەدومستۆو باسشىسى مالىمدەگەندەي، قازگيدرومەتتىڭ بولجامىنا سايكەس ەلىمىزدە جازدا قولايلى اۋا رايى كۇتىلەدى.
«ماۋسىم ايىندا جاۋىن- شاشىننىڭ ورتاشا جىلدىق نورماسى كۇتىلەدى. شىلدە جانە تامىز ايىندا ەل اۋماعىنىڭ باسىم بولىگىندە ءوپتيميستى اۋا رايى بولجانادى. تەك باتىس جانە وڭتۇستىك ايماقتاردا كۇمان بار، ءبىز ونى باقىلاۋدا ۇستايمىز. ازىرگە داعدارىستىڭ العىشارت بەلگىلەرى جوق»، - دەيدى مينيستر.
ايتا كەتسەك، ە. قاراشوكەيەۆ مەملەكەت شارۋالارعا كيىكتەن كەلگەن شىعىندى وتەپ بەرە المايتىندىعىن حابارلادى.
سونداي- اق ۇكىمەت وتىرىسى بارىسىندا بيىل استىق ءتۇسىمى 16 ميلليون توننا كولەمىندە بولاتىنى ايتىلدى.