استانا تۇرعىندارى ءبىر تاۋلىكتە قانشا كولەمدە سۋ تۇتىنادى
«ەلوردانىڭ قارقىندى دامۋىنا، سونداي- اق حالىق سانىنىڭ ۇنەمى ارتىپ وتىرۋىنا بايلانىستى استانا قالاسىن سۋمەن قامتاماسىز ەتۋ وزەكتى ماسەلە بولىپ وتىر. 2018 -جىلى ەلوردا تۇرعىندارىنىڭ سۋ شىعىنى تاۋلىگىنە 269 مىڭ تەكشە مەتر، 2022 -جىلى تاۋلىگىنە 311 مىڭ تەكشە مەتردى قۇرادى. قالادا تۇرعىن ۇيلەردىڭ بەلسەندى سالىنۋىن ەسكەرە وتىرىپ، 2026 -جىلعا قاراي سۋ تۇتىنۋ تاۋلىگىنە 340 مىڭ تەكشە مەترگە جەتەدى دەگەن بولجام بار»، - دەلىنگەن اشىق نقا پورتالىندا جاريالانعان تۇجىرىمدامادا.
قۇجاتتا كورسەتىلگەندەي، باس شاھاردا اۋىز سۋدىڭ رەزەرۆتىك كوزىن قۇرۋ ماڭىزدى. ول ناقتى شارالار قابىلداۋدى تالاپ ەتەدى.
«قازىرگى ۋاقىتتا ەلوردانى سۋمەن جابدىقتاۋ جالعىز كوزدەن - 1969 -جىلى سالىنعان جانە 500 مىڭ ادامعا ەسەپتەلگەن استانا سۋ قويماسىنان جۇزەگە اسىرىلادى. قالا حالقى 1,3 ميلليون ادامعا جەتتى. استانا قالاسى ءۇشىن اۋىز سۋدىڭ رەزەرۆتىك كوزىن قۇرۋ جونىندە شارالار قابىلداۋ قاجەت»، - دەلىنگەن 6 جىلدىق جوسپاردا.
سونىمەن بىرگە ەسىلدىڭ لاستانۋ پروبلەماسى دا جازىلعان. اتاپ ايتقاندا، بۇگىندە وزەندى فەنول، سۋسپەنزيا، ماگني سياقتى زاتتار ءبۇلدىرىپ جاتىر.
تۇجىرىمداما جوباسى 20-ماۋسىمعا دەيىن كوپشىلىك تالقىلاۋدا بولادى.