مەملەكەت شارۋالارعا كيىكتەن كەلگەن شىعىندى وتەپ بەرە المايدى – ا ش م

استانا. قازاقپارات - اۋىل شارۋاشىلىعى ءمينيسترى ەربول قاراشوكەيەۆ ۇكىمەت كۋلۋارىندا كيىكتەن كەلگەن زيانعا شاعىم ايتىپ جۇرگەن شارۋالارعا وتەماقى تولەۋ جونىندە پىكىر ءبىلدىردى، دەپ حابارلايدى قازاقپارات ءتىلشىسى.

«زاڭنامالىق بازا بولماسا، ەشقانداي كومەك بەرە المايمىز. قازىر نورماتيۆتىك- قۇقىقتىق بازا ازىرلەنىپ جاتىر. ەكولوگيا جانە تابيعي رەسرۋرستار مينيسترلىگىمەن اقىلداسىپ، جاۋاپكەرشىلىكتى ءبولىپ رەتتەمەكشىمىز»، - دەدى مينيستر.

سونداي- اق، ول زاڭناماعا تۇزەتۋ ەنگىزىلمەسە، شارۋالارعا كيىكتەن قوماقتى شىعىن كەلگەننىڭ وزىندە وتەۋ مۇمكىن ەمەستىگىن اتاپ ءوتتى.

«نورماتيۆتىك- قۇقىقتىق بازا بولماسا، ازىرگە ەشقانداي تولەم جاسالمايدى. قازىر وسىعان زاڭناما دەڭگەيىندە نەگىز ءتۇزىپ جاتىرمىز»، - دەدى ەربول قاراشوكەيەۆ.