استانادا تۇرعىن ءۇي پاركينگىنەن ءورت شىقتى

استانا. قازاقپارات - ەلوردالىق ءورت سوندىرۋشىلەر تۇرعىن ءۇي كەشەنىنىڭ بىرىندە جوعارى دارەجەلىك شاقىرۋ بويىنشا جۇمىس ىستەۋدە، دەپ حابارلايدى قازاقپارات ت ج م- گە سىلتەمە جاساپ.

6- ماۋسىمدا ساعات 11:56 دا استانا قالاسى تجد ءورت ءسوندىرۋ بولىمشەلەرى مۇحامەدحانوۆ كوشەسىندەگى تۇرعىن ءۇي كەشەنى پاركينگىندە ءورت شىققانى تۋرالى حابارلاما العان. ءورت سوندىرۋشىلەر وقيعا ورنىنا 7 مينۋتتان كەيىن كەلدى، اۆتوتۇراقتا كولىك جانىپ جاتقانى انىقتالدى.

«ءورت ورنىندا جەدەل شتاب قۇرىلدى، ءورت سوندىرۋشىلەر جوعارعى قاباتتاردان ادامداردى بارلاپ ەۆاكۋاتسيالاۋدا. قازىرگى ۋاقىتتا ەلوردالىق ءورت سوندىرۋشىلەر جوعارى دارەجەدە جۇمىس ىستەۋدە»، - دەپ جازدى مينيسترلىكتەن.