13:40, 06 - ماۋسىم 2023 | GMT +6
مەملەكەتتىك بالاباقشالاردى تولىعىمەن قازاق تىلىنە كوشىرۋ جاعى قارالىپ جاتىر - مينيستر
استانا. قازاقپارات - ەلىمىزدە بارلىق مەملەكەتتىك بالاباقشادا وقۋ- تاربيە تەك قازاق تىلىندە بەرىلۋى مۇمكىن. بۇل تۋرالى وقۋ- اعارتۋ ءمينيسترى عاني بەيسەمبايەۆ ءمالىم ەتتى، دەپ حابارلايدى قازاقپارات ءتىلشىسى.
«بۇگىندە ەلىمىزدە 11 مىڭنان استام بالاباقشا بار. ونىڭ جارتىسى - مەملەكەتتىك مەكتەپكە دەيىنگى ءبىلىم بەرەتىن مەكەمەلەر. ءبىز قازاق ءتىلدى بالاباقشاعا سۇرانىستىڭ ارتىپ جاتقانىن بايقاپ وتىرمىز. قازىرگى ۋاقىتتا مەكتەپكە دەيىنگى ءبىلىم دەپارتامەنتى بارلىق مەملەكەتتىك بالاباقشانى قازاق تىلىندە تاربيە بەرۋگە كوشىرۋ جاعىن قاراستىرىپ جاتىر. بۇگىندە دەپارتامەنت قانشا بالاباقشا بارىن، ونىڭ قانشاسى قازاق تىلىندە ەكەندىگىن ناقتىلاپ جاتىر»، - دەدى عاني بەيسەمبايەۆ ۇكىمەت وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرە وتىرىپ.