باعدات مۋسين استاناداعى ينتەرنەت ماسەلەسى تۋرالى پىكىر ءبىلدىردى

استانا. قازاقپارات - سيفرلىق دامۋ، يننوۆاتسيالار جانە ايروعارىش ونەركاسىبى ءمينيسترى باعدات مۋسين استانالىقتار اراسىنداعى راديوفوبيا تۋرالى پىكىر ءبىلدىردى، دەپ حابارلايدى قازاقپارات ءتىلشىسى.

ۇكىمەت كۋلۋارىندا ب ا ق وكىلدەرىنىڭ سۇراعىنا جاۋاپ بەرگەن مينيستر ەلوردالىقتار ينتەرنەت ساپاسىنا شاعىم ايتقان اۋدانداردى ءوز اياعىمەن ارالاعانىن ايتتى. ونىڭ سوزىنشە ەكسپو اۋدانىندا ينتەرنەت ساپاسى بۇرىنعىدان جاقسارعان.

«حان شاتىر» اۋدانىندا ەكى بازالىق ستانسا ورناتىلدى. جاقسارىپ كەلەدى. ءبىراق ءبىز قوسىمشا ايىپپۇل جازىپ، ەكى اي ۋاقىت بەردىك. اكىم كەشە جيىن وتكىزدى. ويتكەنى بىزگە اكىمدىكتەن جەر تەلىمى كەرەك. ول بۇل باعىتتاعى جۇمىستى كۇشەيتتى. جەرت تەلىمدەرىن ءبولدى، قۇرىلىس باستالىپ جاتىر» ، - دەدى ول ۇكىمەت كۋلۋارىندا.

سونداي- اق، «سالتانات قاقپاسى» اۋدانىندا راديوفوبيا پروبلەماسى بار. سوندىقتان بازالىق ستانسالار سالۋ ءۇشىن اكىمدىكتەن ۋچاسكەلەر كەرەك»، - دەدى باعدات مۋسين.