وقۋشىلاردىڭ مينيستر بۇيرىعىنسىز شەتەلگە شىعۋىنا تىيىم سالىنباق

None
استانا. قازاقپارات - ەلىمىزدە وقۋشىلاردىڭ ءتۇرلى جارىستار مەن بايقاۋلارعا قاتىسۋعا شەتەلگە بارۋى ءۇشىن مينيسترلىكتىڭ بۇيرىعى قاجەت بولادى.

بۇل تۋرالى وقۋ- اعارتۋ ءمينيسترى عاني بەيسەمبايەۆ ءمالىم ەتتى، دەپ حابارلايدى قازاقپارات ءتىلشىسى.

«قىرىمعا اتتانعان بۇكىل بالا امان- ساۋ ورالدى. بالالاردىڭ شەتەلگە بارۋى اتا- اناسىمەن كەلىسىلگەن، ءبىراق بىزبەن كەلىسىم بولعان جوق. وسىنداي جاعدايلار قايتالانباس ءۇشىن ءبىز وقۋشىلاردىڭ شەتەلگە مينيسترلىكتىڭ جانە بالالار قۇقىعىن قورعاۋ كوميتەتىنىڭ بۇيرىعىنسىز شىعۋىنا تىيىم سالماقپىز. قىرىمداعى جاعدايدان كەيىن مۇعالىم جاۋاپكەرشىلىككە تارتىلدى»، - دەدى عاني بەيسەمبايەۆ ۇكىمەت وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرە وتىرىپ.

ەسكە سالساق، بۇعان دەيىن وقۋ- اعارتۋ مينيسترلىگى قازاقستاندىق وقۋشىلاردىڭ قىرىمعا ساپارىنا قاتىستى تۇسىنىك بەرگەن ەدى.

«اتا- انالار ءبىلىم مەكەمەسىمەن بايلانىسپاي، بالالارىن ءوز بەتىنشە جىبەرگەن. ءبىز كۇن سايىن بالالارمەن بايلانىستامىز. 28 -مامىردا ولاردىڭ ورالۋىن اسىعا كۇتەمىز. بۇگىنگى تاڭدا ولاردىڭ ءومىرى مەن دەنساۋلىعىنا قاۋىپ جوق، ەموتسيالىق جاعدايى جاقسى. ويتكەنى، ولارمەن جانىندا اتا- اناسى بار. وقۋشىلار ءبولىم بويىنشا جيىنتىق باعالاۋ جانە توقساندىق جيىنتىق باعالاۋ ەمتيحاندارىن بەلگىلەنگەن كەستە شەڭبەرىندە تاپسىرا الادى. سوندىقتان بۇل وقۋ پروتسەسىنە جانە قورىتىندى باعا الۋعا اسەر ەتپەيدى»، - دەگەن ەدى بالا قۇقىقتارىن قورعاۋ كوميتەتىنىڭ باسشىسى ناسىمجان وسپانوۆا و ك ق- دە وتكەن بريفينگتە.


سوڭعى جاڭالىقتار