پرەزيدەنت ە ق ى ۇ پارلامەنت اسسامبلەياسىنىڭ پرەزيدەنتى مارگارەتا سەدەرفەلتتى قابىلدادى
پرەزيدەنت قاسىم- جومارت توقايەۆ مارگارەتا سەدەرفەلتكە ءىلتيپات بىلدىرە وتىرىپ، ونىڭ ساپارى قازاقستان مەن ەۋروپاداعى قاۋىپسىزدىك جانە ىنتىماقتاستىق ۇيىمىنىڭ پارلامەنت اسسامبلەياسى اراسىنداعى قارىم- قاتىناستى نىعايتۋ ءۇشىن ماڭىزدى ەكەنىن اتاپ ءوتتى.
پرەزيدەنت پارلامەنتتىك ديپلوماتيا مەملەكەتتەر مەن حالىقتار اراسىنداعى بايلانىستاردى نىعايتۋعا كومەكتەسەتىنىنە نازار اۋداردى.
سونداي- اق اۋقىمدى ساياسي جانە ەكونوميكالىق وزگەرىستەردىڭ جۇزەگە اسىرىلۋى تۋرالى ايتتى.
مارگارەتا سەدەرفەلت قازاقستاندا جۇرگىزىلىپ جاتقان رەفورمالاردى قولدايتىنىن جانە ە ق ى ۇ پارلامەنت اسسامبلەياسى نەگىزگى ساياسي ينستيتۋتتاردىڭ جۇيەلى ترانسفورماتسيالانۋ بارىسىن ەرەكشە قىزىعۋشىلىقپەن باقىلاپ وتىرعانىن جەتكىزدى.
كەزدەسۋ بارىسىندا استانا حالىقارالىق فورۋمىنداعى (AIF)، سونداي- اق ايماقتىق جانە جاھاندىق كۇن تارتىبىندەگى وزەكتى ماسەلەلەر تالقىلاندى.