قىرعىزستاننىڭ ۇلتتىق قاۋىپسىزدىك كوميتەتى بيلىكتى باسىپ الۋ تۋرالى ىستە كىمدەر ۇستالعانىن حابارلادى

استانا. قازاقپارات - بيلىكتى كۇشتەپ باسىپ الۋ ماقساتىندا جاپپاي تارتىپسىزدىك پەن باعىنباۋ ارەكەتتەرىن ۇيىمداستىرۋدى جوسپارلاعان ادامدار ۇستالدى.

بۇل تۋرالى ق ر ۇلتتىق قاۋىپسىزدىك كوميتەتىنىڭ باسپا ءسوز ورتالىعىنان مالىمدەدى، دەپ حابارلايدى قازاقپارات قىزعىزستاننىڭ 24.kg اگەنتتىگىنە سىلتەمە جاساپ.

الىنعان اقپارات پەن جينالعان اۋديو جانە بەينەماتەريالدار نەگىزىندە قىلمىستىق ءىس قوزعالعانى، ونىڭ شەڭبەرىندە سوت سانكسيالاعان ارنايى تەرگەۋ ارەكەتتەرى جۇرگىزىلگەنى ناقتىلانادى.

«بۇل قىلمىستىق توپ جىل بويى ءوز قاتارىنا جاقتاستارىن، بۇكىل ەلدەگى ەڭ نارازى ازاماتتاردى ماقساتتى تۇردە تارتقان. توپتى ۇيىمداستىرۋشى جانە يدەيالىق شابىتتاندىرۋشىسى - ازاماتتىق بەلسەندى جانە «ەلديك كەنەش» ساياسي پارتياسىنىڭ ءتورايىمى ن. ر. س. ونىڭ باسشىلىعىمەن بيلىكتى كۇشتەپ باسىپ الۋ جونىندەگى جوسپارلاردى تالقىلاي وتىرىپ، مەملەكەتتىك قۇرىلىمدارعا قارسى تارتىلعان ادامداردى يدەولوگيالىق وڭدەۋگە باعىتتالعان كەزدەسۋلەر تۇراقتى تۇردە وتكىزىلدى»، - دەدى ۆەدومستۆودان.

ەلدىڭ ۇ ق ك ۇيىمداسقان توپقا قوعامنىڭ ءارتۇرلى سالاسىنان جانە رەسپۋبليكانىڭ ايماقتارىنان 100-دەن استام ادام تارتىلعانىن، ولاردىڭ اراسىندا ناقتى تاپسىرمالار بولىنگەنىن ناقتىلادى.

«جاقىن ارادا ۇيىمداستىرۋ ماسەلەلەرىن قارجىلاندىرۋ جانە نەگىزگى مۇشەلەرگە سىياقى تولەۋ ءۇشىن شەتەلدەن اقشا ءتۇسۋ كۇتىلگەنى تۋرالى اقپارات بار. قاسكۇنەمدەر وزدەرىنىڭ قىلمىستىق جوسپارلارىن جۇزەگە اسىرۋدىڭ بەلسەندى كەزەڭىن قانداي دا ءبىر وقيعا بويىنشا قوعامدا نارازىلىق تۋىنداعاننان كەيىن بىردەن باستاۋدى كوزدەدى»، - دەپ اتاپ ءوتتى مەملەكەتتىك كوميتەتتەن.

ۇ ق ك- عا توپتىڭ 30-دان استام قاتىسۋشىسى جەتكىزىلدى.

«ن. ر. س. جانە ونىڭ نەگىزگى سەرىكتەستەرى ن. ر. س. ، ي. گ. س. ، م. ا. ج. جانە د. ت. ا. ۇستالدى. ولار كىنالارىن مويىندادى. ولاردىڭ قىلمىستىق نيەتىن راستايتىن زاتتاي دالەلدەر تاركىلەندى. بارلىق ۇستالعان ادامدار ۇ ق ك ۋاقىتشا ۇستاۋ يزولياتورىنا قاماۋعا الىندى»، - دەپ تولىقتىردى ۆەدومستۆودان.