11:04, 06 - ماۋسىم 2023 | GMT +6
پرەمەر- مينيستر قىتايعا بيداي ەكسپورتى تۋرالى: قازاقستاننىڭ ءوز استىعى وزىنە تولىق جەتەدى
استانا. قازاقپارات - پرەمەر- مينيستر ءاليحان سمايىلوۆ ۇكىمەت وتىرىسىندا استىق ەكسپورتى تۋرالى پىكىر ءبىلدىردى، دەپ حابارلايدى قازاقپارات ءتىلشىسى.
«قازاقستاننىڭ ءوز استىعى وزىنە تولىق جەتەدى. قالعان اۋقىمدى بولىگىن ەكسپورتقا دا شىعارادى. بيىل قازاقستان بيدايى قىتاي حالىق رەسپۋبليكاسىنا جەتكىزىلە باستادى»، - دەدى ول.
ءا. سمايىلوۆ استىق دۇرىس شىقپاي قالعان كۇننىڭ وزىندە ديقاندار ىشكى قاجەتتىلىكتى ارتىعىمەن ورىندايتىنىن اتاپ ءوتتى.
«مىسالى، اۋا رايى قولايسىز بولىپ، استىق شىقپاي قالعان كۇننىڭ وزىندە بىزدەگى ىشكى قاجەتتىلىك ەڭ از جينالاتىن كولەمىنەن 2 ەسە تومەن ەكەنىن ايتا كەتۋ كەرەك. ياعني، استىقتىڭ كولەمى ەلدەگى ىشكى سۇرانىس پەن ازىق- تۇلىك قاۋىپسىزدىگىن قامتاماسىز ەتۋگە تولىق مۇمكىندىك بەرەدى»، - دەدى ۇكىمەت باسشىسى.
اۆتور:
ەسىمجان ناقتىباي