قازاقستاندا تەڭىز جۇك تاسىمالىنىڭ كولەمى ءوستى

استانا. قازاقپارات - ۇلتتىق ستاتيستيكا بيۋروسى قازاقستاندا تەڭىز جۇك تاسىمالىنىڭ كولەمى وسكەنىن مالىمدەدى، دەپ حابارلايدى قازاقپارات.

2022 -جىلى تەڭىز كولىگىمەن تاسىمالدانعان جۇك كولەمى 1,1 ميلليون توننادان اسقان. وسىلايشا وتكەن جىلى تەڭىز كولىگىمەن 1 193,7 مىڭ توننا تاسىمالداندى، بۇل 2021 -جىلمەن سالىستىرعاندا % 46,8 ارتىق.

«تەڭىز تاسىمالىنىڭ جۇك اينالىمى 2022 -جىلى 681,9 ميلليون ت ك م قۇرادى، بۇل الدىڭعى جىلمەن سالىستىرعاندا % 23,3 ارتىق. وتكەن جىلى تەڭىز كولىگىمەن 89,2 مىڭ ادام تاسىمالداندى»، - دەپ جازدى ۆەدومستۆودان.

ەسكە سالا كەتەيىك، قازاقستاندا 2022 -جىلى 282 تەڭىز كەمەسى تىركەلگەن. ولاردىڭ ىشىندە بارجالار، مۇناي قۇيۋ كەمەلەرى، قۇرعاق جۇك تاسىمالداۋ، قامتاماسىز ەتۋ كەمەلەرى جانە ت. ب. بار. پايدالانۋ مەرزىمى بويىنشا كەمەلەردىڭ % 23 شىققان جىلى 25 جىلدان اسقان، تەڭىز كولىگىنىڭ% 9,9 شىققان جىلى 5 جىلدان از.