د. پەرريش: استانا حالىقارالىق فورۋمى پروبلەمالاردىڭ شەشىلۋىنە ىقپال ەتەدى
بريتانيالىق مامان دەۆيد پەرريش - باياندامالارى، وقىتۋ سەمينارلارى جانە كىتاپتارى ارقىلى جەر- جاھاندا تانىمال بيزنەس- كەڭەسشى. ول الەمنىڭ 60-تان استام ەلىندە جۇمىس ىستەگەن. القالى جيىندا پەرريش تابىسقا جەتۋ ءۇشىن بيزنەس پەن شىعارماشىلىقتى ۇشتاستىرۋدىڭ ۇتىمدى جولدارى تۋرالى ايتىپ بەرمەكشى.
«فورۋم كوشباسشىلار مەن ساراپشىلاردىڭ باسىن قوسادى جانە كەيبىر كوكەيكەستى الەمدىك پروبلەمالاردى شەشۋدىڭ پراكتيكالىق جولدارىن ۇسىنادى. جيىندا مەن جاھاندىق كرەاتيۆتى ەكونوميكادا شىعارماشىلىقتىڭ ماڭىزدىلىعى جانە جاڭادان پايدا بولىپ جاتقان ترەندتەر مەن سىن- تەگەۋرىندەر تۋرالى ءسوز قوزعايمىن. بۇدان بولەك ۇكىمەت پەن مەملەكەتتىك ۇيىمدار شىعارماشىل كاسىپكەرلەردى قالاي قولداي الاتىنىن جانە حالىقارالىق بايلانىستاردى قالاي كەڭەيتۋگە بولاتىنىن ايتامىن. سونىمەن قاتار كرەاتيۆتى يندۋسترياداعى يننوۆاتسيانىڭ ءرولى تۋرالى جانە سوڭعىسى وسى سالاداعى كاسىپكەرلەر شىعارماشىلىقتا دا، كوممەرتسيالىق تۇرعىدا دا قالايشا جەتىستىككە جەتە الادى دەگەن تاقىرىپتاردا ءسوز سويلەيمىن»، دەيدى بيزنەس- كەڭەسشى دەۆيد پەرريش.