ارىستانبەك مۇحامادي ۇلىن«ديپلومات» قوناقۇيىنە قاتىستى تەرگەۋ اياقتالدى
«كەيبىر ب ا ق پەن الەۋمەتتىك جەلىدە، مەسسەندجەرلەردە بۇرىنعى مادەنيەت جانە سپورت ءمينيسترى ارىستانبەك مۇحامادي ۇلىنا قاتىستى سوت پروتسەسىنىڭ ۆيدەوسى مەن سىبايلاس جەمقورلىققا قارسى قىزمەت قىزمەتكەرلەرىنىڭ «ديپلومات» قوناقۇيىن ءۇشىنشى تۇلعالارعا جازىپ بەرىپ، 111 ميلليون تەڭگە كولەمىندە شىعىن وتەۋگە ماجبۇرلەگەنى تۋرالى اقپارات تارادى. بۇل اقپارات شىندىققا جاناسپايتىنىن حابارلايمىز. مۇحامەدي ۇلى 221 ميلليون تەڭگە جىمقىردى دەگەن كۇدىككە ءىلىنىپ وتىر. ونىڭ ىسكە قاتىستىلىعى دالەلدەنىپ، پروكۋراتۋرا ماقۇلدادى. ەندى ول ارەكەتتەرىنە قورىتىندى باعانى سوت بەرەدى»، - دەپ جازىلعان رەسمي مالىمەتتە.
تاراپ كەتكەن اقپاراتتاعى 111 ميلليون تەڭگەنىڭ داۋىن دا اگەنتتىك وكىلدەرى وسى 221 ميلليون تەڭگەنىڭ ىسىمەن بايلانىستىرىپ وتىر.
«تەرگەۋ كەزىندە جاۋاپكەرشىلىگىن جەڭىلدەتۋ ءۇشىن كەلتىرىلگەن زالال ءىشىنارا وتەلىپ، 111 ميلليون تەڭگە مەملەكەت كىرىسىنە اۋدارىلعان.
وعان قوسا، قازىرگى تاڭدا «ديپلومات» قوناقۇيىن رەيدەرلىك جولمەن تارتىپ الدى دەگەن كۇدىككە ىلىنگەن مۇحامادي ۇلىنىڭ ۇستىنەن قوسىمشا ەپيزود بويىنشا تەرگەۋ اياقتالدى.
وسىعان بايلانىستى مۇحامادي ۇلى سوت پەن قوعامدى شاتاستىرۋ ارقىلى جاۋاپكەرشىلىكتەن جالتارۋ ءۇشىن بۇل جايتتار تۋرالى جالعان اقپارات بەرگەن.
جالا جابۋ فاكتىسى بويىنشا سوتقا دەيىنگى تەرگەۋ باستاۋ تۋرالى ماسەلە شەشىلىپ جاتىر. ازاماتتاردان رەسمي دەرەككوزدەردەن شىعاتىن وبەكتيۆتى اقپاراتقا عانا سەنۋدى سۇرايمىز»، - دەلىنگەن اگەنتتىكتىڭ اقپاراتىندا.
بۇعان دەيىن ارىستانبەك مۇحامەدي ۇلىنىڭ جۇبايى 111 ميلليون تەڭگەنى مەملەكەت ەسەبىنە اۋدارعانى تۋرالى مالىمەت تاراعان.
ەسكە سالايىق، 19-ساۋىردە ارىستانبەك مۇحامەدي ۇلىنىڭ مۋزەي ديرەكتورى بولعان كەزدەگى ورىنباسارىن سوت زالىنان جەدەل جاردەم الىپ كەتكەن بولاتىن.
بۇعان دەيىنگى سوت پروتسەستەرىنە ا. مۇحامادي ۇلىنىڭ وزىنەن باسقا سىبايلاستارى رەتىندە ءۇش كۇدىكتى تارتىلىپ وتىر.